تنور خولی
سوال و جواب – زبانحال حضرت زهرا(س) با سر مقدس سیدالشهداء (ع)
.
.
.
مرحوم ذلیل تبریزی
.
/// زبانحال حضرت زهرا(س)///
.
یارالی باشیوی زهرا گورنمزدی گل اوستونده
نجه گورسون کسیک باشین تنور ایچره کول اوستونده
.
قلجلانموش باشین قانی عیاندور بو محاسنده
دیرسن اگلشوبدور تازه شبنم سنبل اوستونده
.
نه چاره ایلیوم لب تشنه آخر سو کنارینده
باشیوی کسدی بیر کافر سنون سنگین دل اوستونده
.
یری واردور ویرم تالانه دنیانی اوغول جانی
بودور سرّی حسینیم بو خرابه منزل اوستونده
.
باشیوی کسماقا مشتاقیدورچوخ عدۀ کافر
اوتورموشدی کمینگاهینده قاتل قاتل اوستونده
.
کسنده باشیوی میدان آراسیندا، تماشایه
گلیدی کاش آتان ساقی کوثر دلدل اوستونده
.
دوتوبدور گل یوزین کول یا نَدور من گورمورم آیا؟
اوتورموش ابر تیره بیر هلال کامل اوستونده
.
بیله ظلم اولماز ایلوبله ابوالفضله بو کافرلر
کسوبلر هانسی سروین قول بوداقین حاصل اوستونده
.
لباسون سویدولارآت چاپدیلار عریان جنازنده
یارالی نعشوین هیچ اولمادی بیر ساتراوستونده
.
.
///زبانحال امام حسین (ع)///
.
.
اگرچه ای آنا من یاتموشام چوخ گللر اوستونده
داغیلدی خانمانیم ایمدی قالدیم کوللر اوستونده
.
سوسوز حُلقومیمی شمرین الینده کسمدی خنجر
منه آرتوخ ویروب زحمت کسنده بو سر اوستونده
.
گوروب کسمور قاباقدان خنجری سالدی یوزوم اوسته
منی چوخ اینجیدوب اول بی حیا بو رگلر اوستونده
.
باشیمی کسدیلر ال چکمدیلر ای آنا مندن
دوباره آت دولاندوردولا جسم بی سر اوستونده
.
اوزون سالدی سینم اوسته سکینه تا اولا راحت
اونا سیلی ووروبدور کوفیان بو پیکر اوستونده
.
نه گوردوم نیزه اوسته اود دوتوبدورخیمه و خرگاه
وورولّار تازیانه زینبه بیر معجر اوستونده
.
باشیما چوخ مصیبت گتدولر بو فرقۀ گمراه
ولی چوخ اینجیدوبدی ساربان انگشتر اوستونده
.
«ذلیلا» بسدی پامال ایله سن بو ملک دنیانی
دیسن گر بیرده شاه تشنه دن خاکستر اوستونده
.
.
.
.
#تنورخولی_ذلیل_تبریزی
#یارالی_باشیوی_زهرا_گورنمزدی_گل_اوستونده
#اگر_چه_ای_آنا_من_یاتموشام_چوخ_گللر_اوستونده
#ترکی
.
.
نظر دهید