زبدةالاشعار

اولمیون بیله حریص ای قوم عدوان قانیلن #حسینیه #شمس_عطار_اردبیلی

اتمام حجت امام حسین (ع)

.
✍️ #زبدةالاشعار ✍️
.
🆔: @nohe_torki
.
مرحوم شمس عطار اردبیلی
.
اولمیون بیله حریص ای قوم عدوان قانیلن
بسدور ایتدوز خانۀ ایمانی ویران قانیلن
.
.
نامه لر یازدوز منی سیز دعوت ایتدوز بو یره
گلمشم ایندی پشیمانسوز نه حاجت لشکره
ایلرم رجعت دوباره روضۀ پیغمبره
سهلدور عباس و قاسم اولدی الوان قانیلن
.
.
من سیزون قولوزده گیرم ترک ایمان ایتمشم
نه حلالوزی حرام ای اهل قرآن ایتمشم
نامه یازدوز گلمیشم ایندی دوتون قان ایتمشم
قان یومازلار ای گروه نامسلمان قانیلن
.
.
نه امامم من جماعت نه پیمبر اوغلیام
بیر غریبم ایندی نه زهرای اطهر اوغلیام
گلمشم مهمان سیزه گیرم نه حیدر اوغلیام
نه روادور بو اولا آغشته مهمان قانیلن
.
.
تنگه گلدیم ناله دن ای قوم ظالم خیمه ده
گلمشم میدانه من قالمش خیالیم خیمه ده
رحم ایدون آخر کباب اولدی عیالیم خیمه ده
ایتمیون پیغمبر اولادین هراسان قانیلن
.
.
یا ویرون یول قوی گیدیم روم و فرنگی و زنگه سیز
یا ویرون بیر جرعه سو گتدوز حسینی تنگه سیز
یا گلون بیربیر عرب رسمیله منله جنگه سیز
دورت طرفدن گلمیون الده قلج قان قانیلن
.
.
ئولدورورسوز ایندی که باری بیزه مهلت ویرون
ظهریدور وقت نماز کبریا مهلت ویرون
ویرمدوز سو ای گروه بی حیا مهلت ویرون
دستماز آلسون على اوغلى بو الوان قانیلن
.
.
عشق مخموری خیال کفر و ایمان ایلمز
عشق هر خامی بلا ملکینده سلطان ایلمز
طالب جانان اولان میل سر و جان ایلمز
ایستیوب باشسیز گوره بو جانی جانان قانیلن
.
.
گلدی میدانه او وقتده ابن سعد بی حیا
عرض قیلدی یا حسین ایتمه بو قدری التجا
ایش مقامیندن کچوب بسدور قضایه ویر رضا
بو بدن دوشسون گرک میداندا عریان قانیلن
.
.
ئولمگه آماده اول بو نه نصیحت وقتیدور
بیربیریندن کچدی لشکر بو نه صحبت وقتیدور
یا یزیده بیعت ایله بو نه مهلت وقتیدور
یا گرک دولسون بو گون یکسر بو میدان قانیلن
.
.
سانمادوز یاددان چخوب بدر و احد کیفیتی
قول قولا باغلانماسا بو چولده حیدر عترتی
قائم اولماز ملک ری حکم یزیدون بیعتی
اولماسا ویران بنای دین و ایمان قانیلن
.
.
گوردی احوالی بو نوعیله حسین تشنه کام
ذوالجناحه هی وروب ویردی او حیوانه لجام
عرش و فرشی چولقادی آواز تکبیر امام
گلّۀ روباهه گیردی شیر عطشان قانیلن
.
.
چخدی ناگه آستین حقّدن الله الى
چکدی غیظیله قلج بیلدن، جگردن یاعلى
دولدی میدان ذوالفقار و ذوالجناحیلن بلی
کربلا دشتی حسینیلن بیابان قانیلن
.
.
«شمس عطارم» می و میخانۀ حق مستیم
موسی عشقم تماشای اناالحق مستیم
چکمرم ال چون ولی الله مطلق مستیم
دردیمه مولا ایدر محشرده درمان قانیلن
.
.
#حسینیه #شمس_عطار_اردبیلی
#حسینیه_شهادت
#اولمیون_بیله_حریص_ای_قوم_عدوان_قانیلن
#ترکی

.
✍️ #زبدةالاشعار ✍️
.
🆔: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی