در جلالت و شأن حضرت زینب کبری (س)
.
.
.
#سبک_ساخلا_ناقه_می_کاروانیدن (8 سبک) … #سبک_نقش_من_چرا_نقش_ماتمه …
.
.
مرحوم تائب تبریزی
.
.
.
خامه مین مدادی اولوب روان ایستوری گیده راه زینبی
ال یتورسه حق ایلرم بیان شأن و عزت و جاه زینبی
فاطمی نَسَبدور
مرتضا حَسَبدور
.
.
.
مصحف محبّتده برملا گل آدی گلر سورۂ وفا
سورۂ صداقتده مطلقا آیۀ صداقتدی هم صفا
بی مُعلّمه بی مُفهّمه علمده بلاغتده خودکفا
بی سبب دگل اوج علمده حق قوروبدی خرگاه زینبی
.
.
.
اهل ذکر سویلوبله قرخ گجه هر کس ایتسه راز و نیاز شب
بیر صفا تاپار قلبی دولدورار قلبین علمیله بی نیاز شب
درس آلوب آناسیندان عمریجه هر گیجه قیلوبدور نماز شب
دولدوروبدى الله علمیله قلب پاک و آگاه زینبی
.
.
.
گر دیسم ادبلی اولار خطا اوندا ختم اولوبدور ادب سوزی
گر دیسم که عصمتلیدور گینه نقص اولار اودور عصمتین گوزی
عفّتینده صحبت ایدنمرم سر به سر اودور عفّتین اؤزی
عفت آختاران عصمت آختاران طیّ ایده گرک راه زینبی
.
.
.
جدّ پاکیدور ختم انبیاء هم آناسیدور مصطفا قزی
هم آتاسیدور شاه اولیا هم اؤزی شه لافتا قزی
هم اؤزیدی هر مشکلی آچان هم امام مشکل گشا قزی
ای بلا گرفتاری وور درِ درگه علا جاه زینبی
.
.
.
منطقینده وار چوخ بلاغتی صحبتینده عالی فصاحتی
علم دینده علّامه حلمده مجتبایه واردی شباهتی
صحنۀ حسینی ده بر ملا واردی هم حسینی شهامتی
اولماقا حسینیله همقدم یازمیوبله اکراه زینبی
.
.
.
صاحب وقار و سکینه دی قول و فعلده یاغدیران ادب
جوهر حیا گوهر شرف فاطمی نسب مرتضا حسب
نطقی آتشین نهضت آفرین زینب اؤز آدی یعنی زین اب
کهربای زین اَبی آلوب قلبده اولان کاه زینبی
.
.
.
ایلمیشدی اوّل مطالعه نهضت حسینی کتابینی
گوردی چون کسوفه سالوبدیلار ظلمت اهلی دین آفتابینی
آچدی بیر حسینی علم ایدوب زنده کربلا انقلابینی
زینت اولدی تاریخه خدمت قربةً إلى الله زینبی
.
.
.
قارداشی گیدندن صورا اونون اولماسیدی گر استقامتی
ایتمه سیدی همّتله قد علم اولماسیدی غوغای نهضتی
اولمازیدی عنوان گفتگو قارداشی حسینین شهادتی
ایلدی زبانزد او صحبتی درباری فاه زینبی
.
.
ظاهراً اسیر اولدی باطنا گردنینده زنجیر عشق یار
دلده یاحسین دوشدی چوللره اوز باشیندا شوریده بیر قطار
هر یره او شوریله یول سالوب مست اولانلاری ایتدی هوشیار
هم اویاتدی غافل یاتانلاری بانگ حقّ گهگاه زینبی
.
.
.
عهد باغلامیشدی ازل کی گون چون حسین عالم پناهیله
باشینین دالینجا دوشوب گیدوب قارداشی آچان شاهراهیله
گلمدی دله ایتمدی گله درد دل ایدوب دلده آهیله
خرمن مرام یزیده اوت ووردی آتشین آه زینبی
.
.
.
هر سحر خانم آه سردیله ایلدی هم آغوش یل لری
قاصد صبائیله گوندروب پیک ایتدی آگاه ائل لری
داغ داشا سالوب واحسین سسی دولدوروب نوائیله چوللری
نالۀ شبانگاه زینبی نغمۀ سحرگاه زینبی
.
.
.
طیّ ایدردی اوز گونلرین خانم باشینه مصیبت یاغا یاغا
یاندیراردی گر آه سردینی یل اونون آپارسیدی هر باغا
داغلی سینه ده داغ سزیلتیسی داغ دل اوتورداردی هر داغا
بسکه دل یاران دلنشینی دی نالۀ شبانگاه زینبی
.
.
.
یاغدیروب گه اود اولدی سینه دن آه سرد آتش فشانیله
گه سالوب یزیدین بساطینه لرزه آتشین بیر بیانیله
ظلم ایوین یخوب عاقبت خراب ایتدی سیل اشگ روانیله
ریشۀ امید یزیده اود سالدی آه جانکاه زینبی
.
.
.
ممکن اولمادی روزگارده مرتضا علی شیر داوره
شامه ال تاپا حق بیانیله حق سوزون دیه قوم کافره
زینب ال تاپوب شامه یولّادی عابدینی بالای منبره
منبر اوسته مدح على دیدی حاصل ایتدی دلخواه زینبی
.
.
.
شامی آلدى زهرا عزیزه سی دختر شهنشاه محتشم
شامده ووروب شام امیرینین نحس آدینا بیر قرمزی رقم
قلب شهر شوم دمشقده نصب ایدوب حسین آدینا علم
شهر شامده ایمدیده اسر پرچم خداخواه زینبی
.
.
ایستدی که قالسون حسینینون زنده آدی پاینده شامده
دائماً اونون بی زوال اولا مهر حقّی تابنده شامده
قویدی بیر درخشنده آی کیمی بیر قزی نماینده شامده
طلعت حسینی او شهرده جلوه گر ایده ماه زینبی
.
.
.
عالم وفاده دیمه خانم اؤز وفا یولون آزدی آغلادی
اؤز الیله نازلی رقیّه نین قبرینی اؤزی قازدی آغلادی
فتح شام تاریخین اشگیله خاک قبرینه یازدی آغلادی
تا تانیتدیرا فتح شامده بو کچیک هواخواه زینبی
.
.
.
بو کلامی «والائی» ایستدی «تائب» ایلدی دفتره رقم
رشتیه دوزنده بو گوهری تائبه «طهوری» ده ویردی دم
قسمت ایله ای حیّ ذوالمنن اوچ رفیق اولسونلا هم قدم
بوسه ایلسونلر دمشقده آستان درگاه زینبی
.
.
.
.
#زینبیه #تائب_تبریزی #ترکی #زبدةالاشعار #زینبیه_مدح
نظر دهید