اوچ گوندی بیلورسن که لب عطشانم عموجان #عباسیه_سیفی_اردبیلی

زبانحال حضرت رقیه (س) با سقای کربلا
..
..
..
..
سیفی اردبیلی
..
..
..
..
اوچ گوندی بیلورسن که لب عطشانم عموجان
قیل چاره منه قوللارا قربانم عمو جان
یا باب الحوائج
..
..
..
..
بیر گون منی آغوشوه گل مثلی آلاردون
قول بوینما هر لحظه ده نازیله سالاردون
گیسولریمی دست محبّتله داراردون
من دختر شیرین لب سلطانم عمو جان
یا باب الحوائج
..
..
..
..
امید بیلوب آختارورام چاره نی سندن
دوشدوک هدف اوستونده اوزاق شهر و وطندن
تقدیریله بو دشت غم افزایه گلندن
بی لانه کبوتر کیمی ویلانم عمو جان
یا باب الحوائج
..
..
..
..
یوخدور خبرون خیمه ده واردور نه قیامت
قالموبدی اوشاقلاردا نه طاقت نه سلامت
حتى صودامر اصغره یوخدور دم راحت
منده او گُله گَهوَره جنبانم عمو جان
یا باب الحوائج
..
..
..
..
جان پیچ و خم غصّه ده دور دلبر ئولندن
دردیم چوخالوب یار وفا پرور ئولندن
یوخدور باشیما ال چکنیم اکبر ئولندن
طوفان غم و غصّه ده حیرانم عمو جان
یا باب الحوائج
..
..
..
..
اخیام غم آلوده بیزه تیره قفسدی
شیرینی عمره هامی بیشور و هوسدی
انسانلارا روحیه ویرن گرم نفسدی
من ئوز نفسیمدنده هراسانم عمو جان
یا باب الحوائج
..
..
..
..
من که لب جانانیمه شعر و غزلیدیم
من که بویوراردون هامی گلدن گوزلیدیم
بلبل کیمی شیرین دانشاردیم مزه لیدیم
ایندی نجه گور بی سر و سامانم عمو جان
یا باب الحوائج
..
..
..
..
طالبدی اوشاق رأفته با امر غریزه
اشکیمله سنه یازدیم اورک دردین عریضه
ای چاره گشا بیر نظر ایله بو مریضه
جاندان دوشورم طالب درمانم عمو جان
یا باب الحوائج
..
..
..
..
سالمش منی فکر ایلمه جان دردی دوزومدن
من اصغرون احوالینه چوخ یانّام ئوزومدن
باخدوقجا اونا قان النور قاره گوزومدن
نی مثلیده گوندوز گئجه نالانم عمو جان
یا باب الحوائج
..
..
..
..
#عباسیه #سیفی_اردبیلی #عباسیه_شهادت #فرات_سیفی_اردبیلی #ترکی #فرات_زبدةالاشعار