اربعین
.
✍️ زبدة الاشعار ✍️
.
?: @nohe_torki
.
محمدرضا بیگلی(رضوی زنجانی)
.
.
زینب گلوب دیداریوه قارداش حسینیم
باخ اربعین زوّاریوه قارداش حسینیم
.
واگیر:
ای باغ زهرا
ریحانی قارداش
شش گوشه قبرین
قربانی قارداش
.
.
زینب جلالت وئردی عین و شین و قافه
عنقا کیمی شهپر وئروبدور اوج قافه
احرام عشقیله گلوب الان طوافه
غم آغلادی غمخواریوه قارداش حسینیم
.
.
وصله یتیشدیم یعنی چاتدیم کربلایه
عطرین آلوب گلدیم بو گلزار صفایه
شکر ایلورم چاتدی الیم خاک شفایه
عالم فدا درباریوه قارداش حسینیم
.
.
شش گوشه قبرین زینبه جنّتدی قارداش
کانون مهر و مرکز الفتدی قارداش
ئولسم بو یرده دفن اولام منّتدی قارداش
قربان گوزل آثاریوه قارداش حسینیم
.
.
ای بوریائیله گئدن جسمی مزاره
گلدی پریشان قزلارین دور ائت نظاره
قبرین حریمینده گلوبلر آه و زاره
خوش گلدین ائت قیزلاریوه قارداش حسینیم
.
.
سس وئرمنه قارداش سسین قربانیم من
شش گوشه قبر اطهرین مهمانیم من
قارداش سنون تک فاطمه ریحانیم من
دگمیش خزان گلزاریوه قارداش حسینیم
.
.
شوقیله قرآنون اولان قربای سنسن
جاندان گئچن عاشقلرون جانانی سنسن
درد اهلیم درد اهلینون درمانی سنسن
عشقینده باخ بیماریوه قارداش حسینیم
.
.
باشین ائدنده کوفه ده قرآن تلاوت
اشرار کوفه ایلین وقته شماتت
باشیمده واردی اول زماندان بیر جراحت
یانّام غم بسیاریوه قارداش حسینیم
.
.
قارداش یزیدی سندیروب بو کم سپاهیم
لرزه سالوبدی قصرینه افغان و آهیم
حق نطقیمه اطهر باشین اولموش گواهیم
نصرت اولوبدور یاریوه قارداش حسینیم
.
.
ائتدیم یزیدی پایتختینده ملامت
اما رقیَّم گلمدی اوردان سلامت
اوچ دورت یاشیندا ایلدی چوخ استقامت
قربان گُلِ بی خاریوه قارداش حسینیم
.
.
.
.
#سبک_ای_درد_بی_درمانلارا (10 سبک با واگیر و بدون واگیر)
.
#سبک_یا_فاطمه_من_عقده_دل_وا_نکردم (با واگیر)
.
.
#اربعین
#زینب_گلوب_دیداریوه_قارداش_حسینیم
#رضوی_زنجانی
#ترکی
.
✍️ #زبدةالاشعار ✍️
.
?: @nohe_torki
نظر دهید