زبدةالاشعار

او قدر حُسنیده طی مراتب ایلموسن #حضرت_رقیه #آصف_تبریزی

زبانحال حضرت رقیه (س) در خرابه شام
.
✍️ زبدة الاشعار ✍️
.
?: @nohe_torki
.
مرحوم آصف تبریزی
.
او قدر حُسنیده طی مراتب ایلموسن
که حُسن یوسفی قارداش تعاقب ایلموسن
.
یوزیوی ظاهر ایدوب اهل مصری باطنده
ملامت ایلین اشخاصی تائب ایلموسن
.
تمام شامی دوتوب شهرت جمالین علی
بو خط خالیله کسب مناقب ایلموسن
.
بو شام قیزلارینا یوز نشان ویرن چوخدی
نه ایتموسن اؤزیوه بیله جالب ایلموسن
.
گورن جمالیوی بی اختیار اولورمایل
علی بو مسئله ده عشقی غالب ایلموسن
.
یوزون گورن قالور حیرتده نیلسون بلمز
مُحَسَّناتیوی هر چند غائب ایلموسن
.
سالوب تحیره شام اهلین هاشمی خالین
کمند زلفیله مین دل تصاحب ایلموسن
.
نگاه چشمیله بو قومی ائتموسن مجذوب
طناب زلفیله بیر جمعی جاذب ایلموسن
.
کسیک باشیندا برادر بیر آیری عالم وار
اوزیوی مظهر کُلُّ العَجایب ایلموسن
.
گلن خرابیه باشین گورور سنی سوروشور
یرینده باجیوی شام ایچره نائب ایلموسن
.
گوزوم سرشکیله گوگلوم ملالیله دولودور
علی بو سینه نی کنز مصایب ایلموسن
.
خرابه گوشه سین «آصف» نظر مجسم ایدوب
گوزل بیانیله طرح مطالب ایلموسن
ـــــــــــــ
شعری دیگر از مرحوم آصف در هشتک زیر با موضوع #راه_شام
#بو_نحویلن_اؤزیوه_خلقی_مایل_ایلمیسن
.
#حضرت_رقیه_شهادت
#او_قدر_حسنیده_طی_مراتب_ایلموسن
#آصف_تبریزی
#ترکی
.
✍️ #زبدةالاشعار ✍️
.
?: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی