زبدةالاشعار

اگر بنادی منی انتهاده یاندیراسان #مناجات_محمدرضاصادقی

مناجات
.
.
محمد رضا صادقی
.
.
اگر بَنادی منی انتهاده یاندیراسان
نه یاخشیدور که زمان دعاده یاندیراسان
.
آچاندا اللریمی من سنه دوتاندا قنوت
نولار او محفل ذکر و ثناده یاندیراسان
.
اگر بَنادی بو سینه م اسیر شعله اولا
نه یاخشی حالت خوف و رجاده یاندیراسان
.
اوزاقدی آند اولا سن تک رحیمیدن یارب
گدای درگهیوی التجاده یاندیراسان
.
کریم سن او قَدَر که بعیددور سندن
بو زار و بی کسی روز جزاده یاندیراسان
.
جهیمه لطفاً آپارما و لیک یاندیرسان
عنایت ائیله غم کربلاده یاندیراسان
.
مگر اولار که حسینون گدا و شیداسین
ذلیل و خوار ائلیوب تنگناده یاندیراسان
.
ولی قرار اولا گر حشریده یانام ، یارب
عنایت ائیله فقط اختفاده یاندیراسان
.
.
.
#مناجات_محمدرضاصادقی #ترکی #زبدةالاشعار

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...