ایا شاه شهیدان سپهداره نه گلدی #عباسیه_محمدی_ولایی

شهادت حضرت ابوالفضل (ع)
..
..
..
#سبک_علی_جان_بالا_لبیک
..
..
..
محمدی (ولایی)
..
..
..
ایا شاه شهیدان سپهداره نه گلدی
ابوالفضل رشید و علمداره نه گلدی
سپهداره نه گلدی – علمداره نه گلدی
..
..
..
..
نیه بیردن حسینیم بو اندازه قوجالدون
نه حالدا اونی گوردون که گل مثلی سارالدون
ندن خیمه سینون بس ستونین یره سالدون
ئوزون سویله وزیر وفا داره نه گلدی
سپهداره نه گلدی – علمداره نه گلدی
..
..
..
..
نه اولموشدی اوزون ده مه برج وفایه
اگر چوخ یارالیدی بوکیدون بیر عبایه
علی تک گتیریدون اونی خیمه سرایه
گلوبسن نیه بس تک او سرداره نه گلدی
سپهداره نه گلدی – علمداره نه گلدی
..
..
..
..
گورنده بالا قزیلار او‌ بوش مشکینی قارداش
ئورکدن نجه باخ گور توکلر یوزه قانیاش
بو اوضاعی گورنجه ئولیدی باجون ای کاش
مه برج شرف کنز ایثاره نه گلدی
سپهداره نه گلدی – علمداره نه گلدی
..
..
..
..
او قدری تانیرام غیرت و زور قواسین
صاق اولسیدی قولوندان اگر بو گل یاسین
سالانمازدیلار اعدا اونون مشک لواسین
اخا سویله او غیرتلی قولاره نگلدی
سپهداره نه گلدی – علمداره نه گلدی
..
..
..
..
ویروم قیزلارین آیا نه نوعیله جوابین
گوزتلیر هامیسی ساقی نون مشک پر آبین
علی اصغر آناسی ٬ گوزی یولدا ربابین
جوابینده دیوم وعدهٔ یاره نه گلدی
سپهداره نه گلدی – علمداره نه گلدی
..
..
..
..
اوزون سویله حسین جان من زار و حزینه
اگر قسمتیم اولسا گنه شهر مدینه
ساتشا گوزم اوندا آنام ام بنینه
دیوم اوغلی ابوالفضل کراره نگلدی
سپهداره نه گلدی – علمداره نه گلدی
..
..
..
..
سوور عمرینی دائم بو درگهده «ولایی»
دعا ایله که شعری تاپا عطر خدایی
ویرور اوندا کی حق هر کسه مزدو جزایی
مبادا دیه بس اجر اشعاره نه گلدی
سپهداره نه گلدی – علمداره نه گلدی
..
..
..
#عباسیه #محمدی_ولایی #عباسیه_شهادت #ترکی #زبدةالاشعار