یا مهدی
.
✍️ #زبدةالاشعار ✍️
.
🆔: @nohe_torki
.
مرحوم تابع دین
.
ای چولده سرگردان گزن
تئز گل اماندور هارداسان
ای یادگار ذوالمنن
تئز گل اماندور هارداسان
.
.
ای ابر غیبت ده قالان
بو مدنی گل صورتی
اسلامیانی اینجیدیر
باب و بهائی تهمتی
سویلولّه گر وار بیر امام
دوتموش جهانی شهرتی
بس هاردادور گلمیر ندن
تئز گل اماندور هارداسان
.
.
ای لنگر ارض و سما
وی چاره سیزلر چاره سی
ای حجّت ذات خدا
پیغمبرون مه پاره سی
بدتردی تیغ و نیزه دن
دین اهلینه دل یاره سی
ایلور شماتت هر گلن
تئز گل اماندور هارداسان
.
.
ای حامی اسلام و دین
وی مسلمینه دادرس
قوم ضلالت قویموری
اسلامیان چکسون نفس
سن گل کمک لیق ائتگلن
سندن صورا یوخ اوزگه کس
یوخ مسلمینه رحم ائدن
تئز گل اماندور هارداسان
.
.
یابن الحسن دنیا یوزی
ظلمیله دولموش برملا
اولما رضا دین گلشنین
اهل ضلا لت سولدورا
گل قویما تهمتد ه بیزی
ای ماسواللهه رجا
واردور یولون چوخ گوزلین
تئز گل اماندور هارداسان
.
.
غم یوز ویروب دین اهلینه
اسلامیان پر کنده دی
اهل ضلالت ال تاپوب
قدرت بو گون دشمنده دی
اسلامیانون گوزلری
دنیا یوزونده سنده دی
یوخ بیزلره داده یتن
تئز گل اماندور هارداسان
.
.
ویرّوق قسم شاها سنی
جدّون حسین بی سره
پائین پائینده یاتان
اوغلى علی اکبره
شه سینه سی اوسته یاتان
تشنه یارالی اصغره
گیتمز اورکدن بو محن
تئز گل اماندور هارداسان
.
.
داد الامان اول وقتیدن
تک قالدى سلطان مبین
سسلندی یوخدور بیر نفر
من بی کسه اولسون معین
گهواره دن آلدی سسین
بیر شیر خوار مه جبین
آتدی اوزون گهواره دن
تئز گل اماندور هارداسان
.
.
من قویمارام چخسین الیم
فیض شهادتدن بابا
گر چه صغیرم گئچمرم
راه سعادتدن بابا
گل آل قوزی قربانیوی
بو آل عصمتدن بابا
واردور یولومی گوزلین
تئز گل اماندور هارداسان
.
.
گل آل آپار اؤز عشقیمی
عشق اهلینه اعلان ویریم
گل تک سارالمیش رنگیمی
جانانه من قربان ویریم
قوى اوخلاسونلار حلقیمی
جانان یولوندا جان وئریم
ای شهریار ممتحن
تئز گل اماندور هارداسان
.
.
ای کاش اولیدی اوُل زمان
کرب و بلاده شیعه لر
اول دمدہ کی سلطان دین
سسلندی یوخدی بیر نفر
من بیکسه اولسون کمک
ویردی جوابین سود امر
مندن صورا یوخدور گلن
تئز گل اماندور هارداسان
.
.
بو تاب دین ای بابا
صبح و مسا ایلور خیال
نار فراقی رفع اولا
بیر دم اله سالن وصال
شاهد منیم بو عرضیمه
بو یازدیقی شرح مقال
اولموش بیزه دردین دیَن
تئز گل اماندور هارداسان
.
.
.
.
#مهدیه_تابع_تبریزی
#ای_چولده_سرگردان_گزن_تئز_گل_اماندور_هارداسان
#ترکی
.
✍️ #زبدةالاشعار ✍️
.
🆔: @nohe_torki
نظر دهید