ایا مخالف بزم عزا حسینی تانی #ورود_محرم_دهقان

خطاب به مخالفان تعزیه
..
..
..
دهقان
..
..
..
ایا مخالف بزم عزا حسینی تانی
حسیندی شافع روز جزا حسینی تانی
..
پیمبرین نوه سی نور دیدۀ زهرا
زكیه نفس و شه کربلا حسینی تانی
..
حسینه حضرت آدم اوزی دیوب نوحه
سالوبدی عالمه شور و نوا حسینی تانی
..
حسیندی شافع محشر حسیندی جلوه ی حق
گوزل آدی هامیا آشنا حسینی تانی
..
حسیندی عشق مدارینده امتیاز آپاران
بلالی عرصه ده غرق بلا حسینی تانی
..
عزیز حضرت زهرا غیور بی همتا
شهید نامور نینوا حسینی تانی
..
آتاسی حیدر کرار امید محرومان
زعیم نیک روش باوفا حسینی تانی
..
مقدس آدی اولان دین حقه پیرایه
رسول اکرمه اعظم فدا حسینی تانی
..
یگانه مرد فداکار مکتب توحید
حریم عشقیده دوز رهنما حسینی تانی
..
حقارتیله حسین یاسینه نظر سالما
فقیه پاک لقا مقتدا حسینی تانی
..
سرور شادی دلها چراغ محفلها
حقیقت عاشقی مرد خدا حسینی تانی
..
گئدن جلالی الیندن یاریم گون عرضینده
اولان تمام بدن رضا حسینی تانی
..
..
..
..
ویروبدی کل جهانه لوای آزادی
او دور که جلوه لنور گون به گون جهاندا آدی
..
..
..
..
وجود عالم ایجاده رهنمادی حسین
علینون اوغلى هامی عالمه آقادی حسین
..
خلوص نیتیلن کیم پاپوشسا دامانین
طبیب حاذق هامی دردلره دوادی حسین
..
یگانه رهبر بنیانگذار حرّیّت
شریک محنت و غم یار باوفادی حسین
..
حریم عشق عدالتده منبع حسنات
آتاسی حیدره مظهردی باسخادی حسین
..
حضور حقه یاشیل شیشه ده گئدن قانی
غریق بحر ما عاشق خدادی حسین
..
على نشانه سی بی باک یوم عاشورا
شجاعت عالمی چون شاه افتادی حسین
..
سلوک صبری قویان كائناتی حیرتده
نقدری گلسه بلا قلبیدن رضادی حسین
..
دچار صاعقه دشت بلاده سرگردان
عبید صالح و لب تشنه جانفدادی حسین
..
..
..
..
او قدری واردی حسینون جهاندا خواهانی
گوزل آدی بوریوب گون مثالی دنیانی
..
..
..
..
محترم آئیدی رسم و قرار حسین چیلره
اولار حسینی چاغیرماق شعار حسینچیلره
..
حسین حسین دئمگی سهل سانما ای غافل
حسین اوزی یتوروب اعتبار حسین چیلره
..
زمان نوحه سرا دهه ی محرمده
ملکلر عرش خدادن باخار حسین چیلره
..
آناسی فاطمه زلفین آلار اله آغلار
اودا ائدر اوزونی هم قطار حسینچیلره
..
همیشه حال مکدّر محافل غمده
حقیقی گوزیاشیدور افتخار حسینچیلره
..
دیورله روز قیامتده موقع دشوار
کمک ائدر اوزی پروردگار حسینچیلره
..
لجام عشقی چکوب گور هارا بو عاشقلر
یازوبلا یوخدی قیامتده نار حسینچیلره
..
حسینون عاشقین البته اوددا یاندیرماز
محل آتش اولار لاله زار حسینچیلره
..
او دور که عادت ائدوب شعر یازماقا دهقان
اوزونی بزم عزاده قوشار حسینچیلره
..
..
#ورود_محرم #دهقان #حسینیه #حسینیه_مدح #ترکی #زبدةالاشعار