ای سود امر تشنه مارالیم #اصغریه_شایان_ارومیه

زبانحال حضرت رباب (س)
.
✍️ #زبدةالاشعار ✍️
.
🆔: @nohe_torki
.
#سبک_نهر_فرات_اوسته_حسین_جان
#سبک_گل_باجی_آل_اصغری_مندن
.
کربلایی رحیم شایان
.
.
ای سود امر تشنه مارالیم
قانلی دوداقلاریوه قربان
حرمله ده اولمادی انصاف
ایتدی سنی قانیوه غلطان
سه شعبه اوخ ووردی. گلوی عطشاندان
اوغول سیراب اولدون. سبوی پیکاندان
بالام لای لای گولوم لای لای
بالام لای لای گولوم لای لای
.
.
.
.
ئولموشودون سوز عطشدن
اوخ آرادا اولدی بهانه
توش ائله دی روح ربابی
حشره کیمی آه و فغانه
گئجه گوندوز آغلار سنون هجرانینده
قالار فکر و ذکری. لب عطشانینده
بالام لای لای گولوم لای لای
بالام لای لای گولوم لای لای
.
.
.
.
نیسگیلین ئولدوردی ربابی
باغلامیشام اللرون اصغر
نه بیر ایاق دوتدون عزیزیم
گورمدیم هیچ دیللرون اصغر
شرار ظلمتدن. علی اودلاندون سن
جفای اعدادن. سوسوز اوخلاندون سن
بالام لای لای گولوم لای لای
بالام لای لای گولوم لای لای
.
.
.
.
ئولسم اگر وار یری اصغر
آرزولاریم قالدی اورکده
وئرمدیلر سو سنه اما
آخدی باشین قانلی بلکده
سنین احوالیوه. بالا دشمن آغلار
آنان دا حشره جک سنه سینه داغلار
بالام لای لای. گولوم لای لای
بالام لای لای گولوم لای لای
.
.
.
.
سینه مه گر سود گله اصغر
فاطمه آلامینی بیللم
ناله م ائدر گویلره تاثیر
صبحه کیمی ئولوپ دیریللم
یارالی دلبندیم. صفالی فرزندیم
فلک بیرده گورمز دوداقدا لبخندیم
.
بالام لای لای. گولوم لای لای
بالام لای لای. گولوم لای لای
.
.
.
.
#اصغریه_شهادت
#ای_سود_امر_تشنه_مارالیم
#اصغریه_شایان_ارومیه
#ترکی
.
✍️ #زبدةالاشعار ✍️
.
🆔: @nohe_torki