ای آنام نایبه سی گل باجی چارم آزالوب #عباسیه_شهاب_تبریزی

شهادت حضرت ابوالفضل(ع)
..
..
..
مرحوم شهاب تبریزی
..
..
..
ای آنام نائبه سی گل باجی چارم آزالوب
هم علمداریم ئولوب هم علمیم یرده قالوب
..
..
..
..
آل طاهایه خبر ویر باش آچوب آغلیالار
داغلانان سینه لرین بیرده باجی داغلیالار
اولوب آماده اسیر اولماقا بِل باغلیالار
ای آنام نائبه سی گل باجی چارم آزالوب
..
..
..
..
باجی بیر حالیده یتدیم من او سرو سمنه
شاخه سیز نخلیدی گویا که یخوبلار چمنه
گیتدی صبریم اورگیم یاندی او السیز بدنه
ای آنام نائبه سی گل باجی چارم آزالوب
..
..
..
..
سعی قیلدیم گتورم خیمه لره پیکرینی
یوزیمه باخمادی هیچ آچمادی بیر گوزلرینی
اللریم دوتمادی یردن گوتورم اللرینی
ای آنام نائبه سی گل باجی چارم آزالوب
..
..
..
..
گوزینون قانینی سیلدیم باخا بلکه یوزیمه
ویره بیر کلمه جواب ای باجی زینب سوزیمه
نه دانشدی منیلن باخدی نه آغلار گوزیمه
ای آنام نائبه سی گل باجی چارم آزالوب
..
..
..
..
باجی تصدیق ایدورم صحبته حالی یوخیدی
نیلییدی بدنی باشدان ایاقه اوخیدی
گتورم اولمادی ممکن یاراسی چوخ چوخیدی
ای آنام نائبه سی گل باجی چارم آزالوب
..
..
..
..
وار سیزونده باجی حقّوز هامی گول تک سولاسوز
بو مصیبتده ایدوب ناله هم آواز اولاسوز
ایمدی مانع دگولم زلفوی یکسر یولاسوز
ای آنام نائبه سی گل باجی چارم آزالوب
..
..
..
..
بئلیمی بوکدی بو گون قارداشیم عبّاس غمی
قویدی بو دشتیده یالقوز باجی بو قدّی خمی
کیمه بس ایمدی ویروم یرده قالان بو علمی
ای آنام نائبه سی گل باجی چارم آزالوب
..
..
..
..
باجی اگنوزده داخی ساخلامیون تازه لباس
سویولون کهنه گیون منهدم اولدی بو اساس
دستگیر اولماقوزی ایتدی بیان اشجع ناس
ای آنام نائبه سی گل باجی چارم آزالوب
..
..
..
..
اوندا کیم قارداشمون سالدی الین قوم عنید
اؤز حیاتیمدن اؤزیمده ایلدیم قطع امید
سیز اسیر اولماقا آماده اولون منده شهید
ای آنام نائبه سی گل باجی چارم آزالوب
..
..
..
..
توک «شهاب» اشکیوی هر لحظه بو قاره یوزیلن
معصیت قاره سینی اشکیله یو نه سوزیلن
چوخ مناسبدی حسینه بو سوز آغلار گوزیلن
ای آنام نائبه سی گل باجی چارم آزالوب
..
..
..
..
#عباسیه #شهاب_تبریزی #عباسیه_شهادت #ترکی #زبدةالاشعار