مدح امام حسن مجتبی (ع)
.
.
هدایت تبریزی
.
.
نوه ی ارشد طاهادی حسن
اجمل خلق دی زیبادی حسن
.
حضرت فاطمه نین سینه گولی
زینت دامن زهرادی حسن
.
شیر حق اوغلی ، ئوزی شیر ژیان
حامی اهل تولّادی حسن
.
گول جنّت دئمرم قدری سئنا
زینت جنّت الاعلادی حسن
.
درس عرفانی پیمبردن آلیب
علم ده ، حلم ده دریادی حسن
.
جان زهرا و علی نیک سرشت
طاهر و صادق و والادی حسن
.
مظهر زهد و ورع ، جود و کرم
هیکل بخشش و تقوادی حسن
.
نوردی ، عرشه وئریب زینت آدی
ساکن عرش معلّادی حسن
.
طرح ائدیب نقشنی طرّاح ازل
گوندن آیدین دی ، هویدادی حسن
.
آد حسن ، طینت حسن ، شهرت حسن
حسنو ارزنده دی ، بی تا دی حسن
.
عارف و پاک و سرافراز و بصیر
مظهر ذات توانادی حسن
.
عشق و ایمان و شرافت ده علی
عیب دن پاک و مبرّادی حسن
.
شرف اهل کرم باب امید
نفس پاک مسیحادی حسن
.
لب لری گول دی ، دیلی شهد و شراب
میوه ی نخله ی طوبادی حسن
.
آقادی اهل جنان سروری دی
بلی مؤمن لره آقادی حسن
.
مثلی یوخ سلم و رضاده او شهین
اورع و تارک دنیادی حسن
.
حبّی جنّت دی ، جهنّم غضبی
مرض شرکَ مداوادی حسن
.
مغبط یوسف کنعان دی یقین
بس کی زیبا و مصفّادی حسن
.
لب لریندن گول ائدر بوسه اونون
گول دن آرتق چمن آرادی حسن
.
نور ایمان قارشیب ات قانینا
ذروه ی عشق ده ابقادی حسن
.
حکمت و معرفت و منطقی باش
آگه و دیده سی بینادی حسن
.
عبد ممتازدی گویلی گوزی توخ
ازهد و فاطمه آسادی حسن
.
سایه سی سایه ی رحمت دی بیزه
شکر اولا شافع عقبادی حسن
.
سلم و ایثار و رضا و شرفه
عالم عشقده معنادی حسن
.
ال دوتان ال لری آلله الی دی
ملجاء اهل تمنّادی حسن
.
شرف اهل یقین دُرّ ثمین
ناجی محشر کبرادی حسن
.
باب احسانی آچخ ، سفره آچخ
صفت عالیه دارادی حسن
.
مصطفا صورت علی سیرت دور
خوش گولش دی فرح افزادی حسن
.
ملکوت اهلی ائدر غبطه اونا
مغبط عالم بالادی حسن
.
سارالان رنگی اذان وقتنده
چون رضای حقی جویادی حسن
.
سرّ عبدیّته آگه ئورگی
مجتبای حق یکتادی حسن
.
جنّته برگ برات ایلر عطا
محسن و صاحب امضادی حسن
.
اتگین دوتسان ( هدایت ) وئره جاخ
دائم احسانه محیّادی حسن
.
دی وئره برگ امان دورخ دن
غم یئمه صاحب عطایادی حسن
.
.
#حسنیه #هدایت_تبریزی #حسنیه_مدح #ترکی #زبدةالاشعار
نظر دهید