زبانحال حضرت سکینه در بسته شدن راه فرات
.
✍️ زبدة الاشعار ✍️
?: @nohe_torki
.
سبک : زینبم جان اوستیم …
.
مرحوم صحاف تبریزی
.
ای بو چولده عترت پیغمبره غمخوار عمو
اود دوتوب یاندی سوسوزدان لبلریم سردار عمو
.
.
باغلیوب راه فراتی اشقیای کینه‌جو
مهر زهرادن بیزی محروم ائدوب قوم عدو
عترت پیغمبره نایاب اولوب بیر شربه سو
دیده‌لر جامی سرشگیله اولوب سرشار عمو
.
.
خوردا قیزلارین سولوب رنگی عطشدن غنچه‌وش
خیمه‌لردن اوج ائدوب افلاکه بانگ العطش
شدت سوز عطشدن اصغریم ایلوبدی غش
قالمیوب بیر تشنه دلده طاقت گفتار عمو
.
.
پر آچوبدور باشون اوستونده همای همّتون
دولدوروب قلب سپاه شامی سهم و صولتون
قبضه‌ی شمشیر الونده وار قولوندا قوتون
اولما راضی تشنه قالسون عترت اطهار عمو
.
.
اهلبیته ایلیوب آخر آتام سقّا سنی
نه روادور اوج ائده عرشه سوسوزلار شیونی
ایلمه بو تشنه قیزلاردان خجالت سن منی
تک به تک ایلر منه درد دلین اظهار عمو
.
.
تشنه‌لیق دلدن سالوب بیر نوع آل هاشمی
وار یری ممزوج ائدم خون دله گوزیاشمی
قویمشام جان اوسته ایندی صود امر قارداشمی
چاره قیل بو درده قویما منی ناچار عمو
.
.
بیر فراتیکه آخور دریا کیمی صحرالره
اولمیا بیر شربه قسمت اهلبیت اطهره
عترتِ ساقیِ حوضِ کوثر عطشان جان وئره
ایلیه حقین بو قوم کین ندن انکار عمو
.
.
ائتمرم بیر مرغ بسمیل تک عبث من اضطراب
گرچه بو نار عطشدن قلبیم ایلر التهاب
آز قالور اما سوسوزدان قیزلار اولسون دل کباب
داغلی دللردن چکرلر آه آتشبار عمو
.
.
صرصر ظلمیله بو صحراده سولدی گلریم
وار یری یاندورسا گر دشمنلری نسگللریم
شاهد حالیمدی ایندی بو قوروموش لبلریم
یوخدی سندن اوزگه بیر کیمسه بیزه غمخوار عمو
.
.
مدت عمرینده «صحّاف» ایلیوب بی‌حد خطا
صدقله ایندی دوتوبدور دامنون ایلر نوا
ایسته حقدن جرمنی عفو ایلسون قیلسون عطا
خلق ایچینده اولماسون محشر گوننده خوار عمو
.
#سبک_زینبم_جان_اوستیم (بیش از 4 سبک)
.
#فرات
#شب_عاشورا
#ای_بو_چولده_عترت_پیغمبره_غمخوار_عمو
#صحاف_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید