زبدةالاشعار

ای جوانلار جان ویرور شبه شه بطحادی بو #اکبریه_تائب_تبریزی

زبانحال امام حسین (ع) در بالین حضرت علی اکبر(ع)
..
..
..
..
مرحوم تائب تبریزی
..
..
..
..
ای جوانلار جان ویرور شبه شه بطحادی بو
اکبریم دور داغدیده قلبیمه یارادی بو
..
..
..
..
خنجر و شمشیریله جسمین ایدوبلر چاک چاک
نرگس مست و خمارین دولدوروبدور خون و خاک
عارضه قان هاله سی آلموش بو ماه تابناک
مهجۀ قلب ملول حضرت زهرادی بو
..
..
..
..
پیر عشقم پیرویم نورس جوانیمدور منیم
دیزلریمده طاقتیم دلده توانیمدور منیم
دادخواهیم همدمیم آرام جانیمدور منیم
نونهال گلستان حضرت طاهادی بو
..
..
..
..
اکبریم آل خلیلین اولین قربانیدور
بو منای عشقی گلگون ایلین آلقانیدور
چاک چاک اعضاسی عشقین زینت میدانیدور
بوستان عمریمه سرو چمن آرادی بو
..
..
..
..
گل کیمی گل پیکری پرپر دوشوب اوراق دور
بوندان اوتری چوخلی بلبل لر توانی طاقدور
بیر بلوک اهل حرم دلبسته دور مشتاقدور
دلستان آل حیدردور ملک سیمادی بو
..
..
..
..
پیکر پاکین یازوب دشمن دم شمشیریله
بیر هما تک پر آچوب قد رساسی تیریله
من باخوب یانّام شرار آه عالمگیریله
چون سویدای دلیمدور قلبیمه یارادی بو
..
..
..
..
بیردی اون دی یوزدی هرگز سانه گلمز یاره سی
قویمیون قالسون یر اوسته پیکر صدپاره سی
حمل ایدون گوزلور خیمده خواهر بیچاره سی
طاقت و صبر دل مجنون نما لیلادی بو
..
..
..
..
بیر گورون قالموش نه حاله نوجوان بی نظیر
ایتمیوب انصاف طغیان ایلیوب قوم شریر
چوخ وروبلار نازنین اعضاسینه پیکان و تیر
قاف همّتده ستمله صید اولان عنقادی بو
..
..
..
..
برج عزّتده جوانیم کوکب رخشنده دی
ماه و انجم طلعتیندن بر ملا شرمنده دی
هوردن نوری دیسم چوخدور اگر زیبنده دی
طلعت رخساری گوندور دیده سی شهلادی بو
..
..
..
..
آل حیدر خیمه ده اکبردن ایلر گفتگو
آغلاشور اهل حرم دوتموش خیامی هایهو
نالۀ وا اکبرائیله دولوبدور موبمو
عترت خیر الورایه مایۀ ابکادی بو
..
..
..
..
قارداشندان امر مشکلدور باجی الفت کسه
صحبت اکبر سالور یتجاق سکینه هرکسه
اونلا باهم آل پیغمبر ویروللر سس سسه
مایۀ داد و نوای عترت زهرادی بو
..
..
..
..
گلشن عمریمده اکبر بیرگل نورسته دی
جور خاریله دوشوبدور یرده پرپر خسته دی
سر بسر آل پیمبر اکبره دلبسته دی
خاصه آرام و قرار زینب کبرادی بو
..
..
..
..
ایلیور ایمدی آنا عمه باجیلار اضطراب
خیمه گاهی چولقیوبدور شورشین و انقلاب
قورخورام یکسر گله میدانه آل بو تراب
دلستان خاندان عصمت علیادی بو
..
..
..
..
خیمه دن هردم گلور شیون سسی آرام آلور
گرچه من دریای صبریم اوزگه بیر حاله سالور
بیللم اؤز حالیمله من زینب نه احواله قالور
نوجوان داغی یاماندور محنت کبرادی بو
..
..
..
..
کشتی عمریم اولوبدور غرق قان دریاسینه
من اؤزوم غرقم ایدنده سیر ایشین معناسینه
قان اولور باغریم باخاندا چاک چاک اعضاسینه
پارۀ قلبیمدی آرام دل شیدادی بو
..
..
..
..
گیتدی تاراجه توانیم قالمادی منده دوزوم
جان ویرور ظاهرده اوغلوم باطناً ئوللم أؤزوم
حمل ایدون نعشین جوانلار قویمیون گورسون گوزوم
مایۀ صبریمدی نور دیدۀ بینادی بو
..
..
..
..
تائبا یاز نوحه آغلا تا نفس وار دل ملول
ایسته سن دنیا و عقبا مقصدین تاپسون حصول
ذکر قیل اکبر آدین توک گوز یاشین مثل سیول
آتما باشدان بو شعاری چوخ گوزل سودادی بو
..
..
..
..
#اکبریه #تائب_تبریزی #اکبریه_شهادت #ترکی #زبدةالاشعار

متن پیشنهادی:  ای عمه روزگاریدن یورولموشام داریخمیشام #حضرت_رقیه_صادقی_مراغه_ای

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی