زبانحال مولا علی علیه السلام بر مزار حضرت زهرا (س)
.
✍️ #زبدةالاشعار ✍️
.
🆔: @nohe_torki
.
سیفی اردبیلی
.
ای فاطمه ای گیزلین اولان غملی مزاری
سؤندی چراغیم صبر ائویمون گئتدی قراری
.
.
ای آینۀ صورت حق آیت سرمد
ای حُسنی اولان صنعت خلقتده مجرّد
ای قامت دین اسوۀ ایمان محمّد
اولدون عجبا پنجۀ تقدیر دچاری
.
.
ای لعلی سالان لعل بدخشانی نظردن
وی دامنی دورد عاشق مستانه بجردن
گرچه دُولی دور گنج فلک سیم و گهردن
یوخ من کیمی امّا زَرِ اون سگّز عیاری
.
.
علّت یارادوب خلقتیچون نوروی داور
کوثر سنه إطلاق اولی من ساقی کوثر
افسوس فلک گتدی قباقه قره گونلر
اولدوز کیمی سوزدون ائویمون گیتدی وقاری
.
.
تا سن ساغدون شهپر آچوب شَهقه چالِیدوم
کَرکَس لری منقاره وروب بنده سالِیدوم
من بوی بهشتی سنون عطروندن آلِیدوم
قان دوشدی قضا گُلدی خزان وردی بهاری
.
.
صولتده که من عرصه ده اژدر فکنیدیم
بیکس لریچون روشنیِ انجمنیدیم
هر اودلی دیلون من که اودون سؤندورنیدیم
ایش دوندی اوجالدی قاپمون عرشه شراری
.
.
سن بر گُلیدون مقدمووه حوریدی پابوس
اولمازدی مقابل سنه مین جلوۀ طاووس
زینب صود امن سینووی مسمار ائلیوب بوس
قان اولدی صودون صون بشیگون دوشدی فراری
.
.
بیر کوکبیدون برج ولاده دولانِیدون
غیرتده شجاعتده نمونه بیر آنِیدون
هیهات یادمدان چخا سن اوددا یانِیدون
منده الى قوینوندا باخِیدوم سنه ساری
.
.
ایلردی منیم قید قضا روحیمه آزار
سالمشدی سنی تنگه فشار در و دیوار
حیرانیدی صیّاد قووان قوش تک اوشاقلار
قان آغلاریدی هر بیرینون چشم خماری
.
.
اولماز بوغم افزا سوزومون سؤز قاباقیندا
بیر اوددی نه سوز حقّی گورَن گؤز قاباقیندا
ناموسی ورولسا کیشینون ئوز قاباقیندا
طاقت گتورر هاردا بو اندازه فشاری
.
.
بیر عورت اولا فاطمه دلبند پیمبر
ناموس جهان همسر با عفّت حیدر
سندرسالا پهلوسینی گور صاحبی نیلر
الله نه یاماندور فلکون ترسه مداری
.
.
ای خامه دانش مطلبی اوّل یره قیتر
قویدی یوزینی قبر بتول اوستونه حیدر
سسلندی اویان ای ایویمه زینت و زیور
مأیوس ایلمه سن بو دل افسرده نگاری
.
.
سنسیز ائویمون رکنی سنوب ایلورم اقرار
آیدین سحریم کثرت محنتدن اولوب تار
آخشاملار ائویمده نه چراغ یاندیرانیم وار
نه باشه چاتور گللریمون شیون و زاری
.
.
هر قوش که یاشار لانه ده بیر ایمنی ایستر
ظلمون الی لانَمدم آیرسون منی ایستر
مندن ننه سیزلرده دمادم سنی ایستر
باتدی دییرم اولدوزومون یوخدی چخاری
.
.
غمدن آلشوب شعله چکر روح صبوریم
بوردان صورا یوخ آیری یره راه عبوریم
گرچه سنون حقّونده منیم اولدی قصوریم
سن اهل کرم سن منه ناز ایلمه باری
.
.
بیر لحظه اویان مهر و وفا شمعین آلیشدیر
گوگلون کوسوب حیدردن اگر کوسمه باریشدیر
بیر گَل دیله دیندیر منی آهسته دانیشدیر
آچ عقده می ای عمرومون افسرده بهاری
.
.
گر جبر فلک اورتامزا تفرقه سالدى
الدن سنی آلدی ایویمون رونقین آلدی
حقّونده قصاص ایلمگ اللهیمه قالدى
قویماز باتا حقّون توکولن قانینی تاری
.
.
هیچ اهل ولانون بِئله بخت اولدوزی باتماز
دنیا بوئی درد اولسا على دردینه چاتماز
هجرونده گوزوم تا نفسیم جاندادی یاتماز
عاشق گوزی دائم دولانار خانۀ یاری
.
.
«سیفی» دل اولوب بسکه رخ فاطمه مستی
گویا که ایچوب جام می ناب الستی
به به بله مستانه لیگه یوخدی شکستی
یاز دلبر آدین دفتره قیل گوز یاشی جاری
.
.
.
#فاطمیه_سیفی_اردبیلی
#فاطمیه_شهادت
#ای_فاطمه_ای_گیزلین_اولان_غملی_مزاری
#ترکی
.
✍️ #زبدةالاشعار ✍️
.
🆔: @nohe_torki
نظر دهید