ای ووران طعنه بهشته صحن و ایوانون سنون #رضویه_محمدرضاصادقی

السلام علیک یا ثامن الحجج (ع)
..
..
..
..
..
محمد رضا صادقی
..
..
..
..
..
ای ووران طعنه بهشته صحن و ایوانون سنون
وار یری باش قوزاسون عرشه خراسانون سنون
یا علی موسی الرضا
جانیم سنه اولسون فدا
..
..
..
..
..
ای سالان اوز نورینی عالملره ایراندن
نورون الله نوریدی سن جلوه سن سبحاندن
باج آلار صحن و رواقون روضه رضواندن
مین بهشتیلن برابردور شبستانون سنون
..
..
..
..
..
هر زمان باخسا بهشتین باغلاری درباریوه
غبطه ائیلر عطر و بوی سوسن و گلزاریوه
شاخه طوبی یولی گر دوشسه لاله زاریوه
قوزاماز باش ، طوسیده گورسه گلستانون سنون
..
..
..
..
..
فخریله یوسف گلر دربان اولا درگاهیوه
غبطه ائلر هرزمان باخسا سلیمان جاهیوه
انبیالر باش چکر هر گون زیارتگاهیوه
حشره تک اولسونلا تا جمله ثناخوانون سنون
..
..
..
..
..
کیمسه یوخ بو دهریده مشتاق دیدار اولماسون
یا فراقونده سنون درده گرفتار اولماسون
لطف ائله اغیار آرا عاشقلرون خوار اولماسون
ایله دعوت قبریوه اولسونلا مهمانون سنون
..
..
..
..
..
ای کرم دریاسی یر گوی روزی سین سندن آلار
ذره لطفون اولماسا هر کیمسه سرگردان قالار
رسمیدور ارباب ، نوکر باشینه سایه سالار
باشیمیزدن سایه وی گل کسمه قربانون سنون
..
..
..
..
..
سن کرم اوغلی کرم سن ای امام ابن امام
بوینی چیگنینده سنه زائرلرون ایلر سلام
آرزو ایلر بو درگهده هامی اولسون غلام
شامل اولسون حالینه تا لطف شایانون سنون
..
..
..
..
..
کیمسه طوسه میهمان اولسا گورر عیناً یقین
قویماسان هرگز بو درگهده بیرین زار وغمین
ای سنون تک میزبانه مرحبا و آفرین
سن الی بوش ائتمسن کیم دوتسا دامانون سنون
..
..
..
..
..
رسمیدور ائو صاحبی مهمانینه ایلر نظر
اینجیسون قویماز ، قوناقه باش چکر شام و سحر
بوش یولا سالماز قوناقی ایلسه قصد سفر
بو قوناق ، بو سن ، بو دامان پُر احسانون سنون
..
..
..
..
..
گلمیشم درگاهیوه هم دردیمه درمان آلام
قالب بی روحیمه هم تازه لنمیش جان آلام
هم برات کربلانی سندن ای سلطان آلام
قویما حسرتده آقا، قالسون نواخوانون سنون
..
..
..
..
..
ایلدون مهمانینوه حرمت ائوین آباد اولا
وئردون عزت ، قویمادون منت ائوین آباد اولا
ایسته بیر یولدا اولا قسمت ائوین آباد اولا
دویمادی گر چه نمک پرودهء خوانون سنون
..
..
..
..
..
دوزدی ” شیدایم ” آقا ، قاره یوزی بیر نوکرم
مادحم درگاهیوه اما حقیر و کمترم
شرمسارم گرچه ، سندن بیر تقاضا ایلرم
کسمه مندن لطفووی چون واردور امکانون سنون
..
..
..
..
..
خواهشاً پیک اجل درک ایلین وقتده منی
گل سفارش ایله اُول ماموره بو بیچاره نی
عمرومون راحت سولا ساعات آخر گلشنی
دردیمه اولسون او دمده بلکه درمانون سنون