وداع حضرت علی اکبر (ع)
..
..
..
مرحوم حاج مختار نخستین اردبیلی
..
..
..
باباجان سال یولا قربانگهه قربانی صبر ایله
پناهونده ئوزون ساخلا آنام لیلانی صبر ایله
..
..
..
شهادت جامی مالامال اولوب شهد وصالیلن
گرگ نوش ایلیم اول جامی آسوده خیالیلن
منیم بو خانۀ عشقیم دولوب درد و ملالیلن
گلوب گورسون تاپولمور دردیمون درمانی صبر ایله
..
..
..
او قدرى تشنۀ وصلم سوسوزلوق بیلمرم اصلا
مرامیمدن چکوب ال عشقیدن اسگیلمرم اصلا
گوزوم قانیله دولسا عار بیللم سیلمرم اصلا
سیلنده لخته لخته گوزلریمدن قانی صبر ایله
..
..
..
منم اسرار حکمتده امامت برجنون ماهی
گرک من جان وئرم مردم گئده جدیم گئدن راهی
امام عصره عاق اولموش تانیمور کیمسه اللهی
گورنده قانه غلطیده مه تابانی صبر ایله
..
..
..
گرک عشقین بساطی قانیمیله لاله گون اولسون
یزیدون پرچم ظلمی بو نهضت ده نگون اولسون
گرک الله و اکبر اوسته اکبر غرق خون اولسون
چکنده یاره لردن زهریلی پیکانی صبر ایله
..
..
..
فشار عشقیدن دوشدی فشاره طایر روحیم
تحمل ایله دوشسه قتلگاهه جسم مجروحیم
منی دریای خون ایچره گؤرنده ای گؤزه ل نوحیم
گلنده موجه گورسون قانیدن طوفانی صبر ایله
..
..
..
بابا بیر ذره باکیم یوخدی بو بی رحم دشمندن
منیم بوینومدا حقون چوخدی من چوخ راضیم سندن
آتالیق حقی وار بوینومدا سنده راضی اول مندن
عبایه جمع ایدنده دوغرانان اعضانی صبر ایله
..
..
..
گئجه گوندوز سوسوزلوقدان یانور نهر اوسته قارداشیم
ایشیم آه و فغاندور هی آخور رخساره گوز یاشیم
گئدوب یا سو گتورؤم یا گچر سرنیزیه باشیم
دالمیجان نهرون اوسته یولّاما سقانی صبر ایله
..
..
..
رضایم یاره دگسون گؤزلریمه لخته قان دولسون
آنام لیلا بیبیم زینب باشیمون اوسته باش یولسون
بابا مشتاقم آدیم صفحۀ تاریخه ثبت اولسون
چکوم من قانیمیلین دفتره امضانی صبر ایله
..
..
..
مقام عشقیده اُستاد کامل با وفا سن سن
شفیع روز محشر مفخر آلعبا سن سن
بو یر بیتُ الحزن ، یعقوب دشت کربلا سن سن
گتورسون خیمه گاهه یوسف زهرانی صبر ایله
..
..
..
گرک وصل آختاران عاشق ، قوشولسون همره عشقه
کمال شوقیلن گئتسون سوسوز قربانگه عشقه
گرک سرباز اولان جانین فدا ایتسون شه عشقه
وصالی آختاروب تاپسون شب هجرانی صبر ایله
..
..
..
منه عشق عالمینده شهدیدن شیریندی بوساعت
منه منتدى سالدون ئوز الونله بوینوما خلعت
نه خوشدور بزم آزادی ، نه خوشدور بزم حرّیّت
گورن وقته چخوب شیرازه دن قرآنی صبر ایله
..
..
..
ایله مست وصال عشقیدی مستانه آیریلدی
کأنه شمع سوزندان یانان پروانه آیریلدی
جمال یارى درک ایتسون بویاندی قانه آیریلدی
دیدی صبر ایت گتورمه نالیه دنیانی صبر ایله
..
..
..
حضور لیلیه گلدی اونا دردین دیوب گئتسون
آنایه نوجوان اوغلی وصیت ایلیوب گئتسون
قد رعناسینه هجران لباسینی گیوب گئتسون
دیدى لیلا ، على ساخلا قدم بیر آنی صبر ایله
..
..
..
ایاقوندن ئوپوم بیرده دولانوم باشوه چخ گئت
بو آغلار گوزلریم قربان آخان گوز یاشوه چخ گئت
بشیکده غش ایدوب بیر باخ سوسوز قارداشوه چخ گئت
یارالى قلبه ویرما آتش سوزانی صبر ایله
..
..
..
علی طرز نگاهون بیلمیورسن نه فسون ایتدی
اکوب تخم وفانی مزرع دلده فزون ایتدی
بنای صبریمی یخدی فراقون سرنگون ایتدی
بیابان گرد اولوب گورسون آنون لیلانی صبر ایله
..
..
..
اگر چه مرغ طبعون باغلیوب یازماقه احرامی
توکور اود یازدوقیجان خامه ظلم قوم ظلّامی
«نخستین» ایتمه طولانی بو شعر محنت انجامی
آلارسان شعرووه بیر خلعت شایانی صبر ایله
..
..
..
#اکبریه #نخسین #اکبریه_شهادت #ترکی #زبدةالاشعار
نظر دهید