مدح حضرت علی ابن موسی الرضا (ع)
.
.
.
هدایت تبریزی
.
.
.
جانا وقار و قدر و شرافت سنین کیدی
مهر ولا و بخشش و رأفت سنین کیدی
.
عرفان دا ، معرفت ده ، ادب ده ، علوم ده
محور سنین دی ، حسن و سعادت سنین کیدی
.
مین لر مریض عشقه ائدر باخماقین دوا
امراض لاعلاجه طبابت سنین کیدی
.
حسرت چکر جلالوه شاهان روزگار
دل لرده کی سلامت حکومت سنین کیدی
.
اکمال دین سنیله دی سن سن امیر عشق
اخلاص و جود و لطف و فتوّت سنین کیدی
.
گورسیدی بو جلالی سلیمان قالاردی مات
حشمت سنین دی فرّ و جلالت سنین کیدی
.
یوخدور قراری آهوی قلبین ، ضمانت ائت
هر بی پناهه سایهٔ رحمت سنین کیدی
.
درمانده ام کرم قیل الیمدن یاپوش آقا
سلک هدایه مهر هدایت سنین کیدی
.
حاشا کی گرد غفلت اوتورسون جمالوه
غفلت سراده حکم طهارت سنین کیدی
.
باخسان کرامتیله ، اولار مس ، طلای ناب
اکسیر لطف و حسن و کرامت سنین کیدی
.
باغین همیشه گل دی ، چیچک دی ، صفالی دی
شادابی و بهار و طراوت سنین کیدی
.
شاه لار قاپوندا قول لوقا حسرت قالوبدولار
مجد و جلال و عزّ نهایت سنین کیدی
.
طوف حریموین چکیری حسرتین ملک
حق درگهنده عالی امارت سنین کیدی
.
پیوسته زائرین دی ملک صف به صف آقا
افضل ترین فضل زیارت سنین کیدی
.
سن سن دخول حصن الهی ده شرط دن
اجر نبی ده شرط مودّت سنین کیدی
.
علمینده غرق اولوبدو هامی عالمان دهر
علم لدنّی ای گل خلقت سنین کیدی
.
محمود سن خصال و سجایاده فاطمی
تقوا و اجتهاد و نقاوت سنین کیدی
.
سن حق رضاسی سن که اولوب سندن حق رضا
حق محضرینده قابل عبادت سنین کیدی
.
ایمان طریقتندی ، ایا میر پارسا
وصل خداده سلک و طریقت سنین کیدی
.
سن سن حریمون عرش خدادور ، خدایی سن
وحدت سنین دی ، رحمته آیت سنین کیدی
.
ای جلوهٔ جمال خدا ، نور ایزدی
حق درگهنده حکم نیابت سنین کیدی
.
سن آللها اؤزون ، حرمین عرشه جانشین
رحمت سراسی ، باب قرابت سنین کیدی
.
گوز گوشه سیله باخسان اولار عقده لر گشاد
قدرت سنین دی نور عنایت سنین کیدی
.
دشمن لرین ده وار سنه دلدن ارادتی
کوه وقار و سهم و صلابت سنین کیدی
.
سکّان عرش و فرشین آقا سنده دور گوزو
لب تشنه گان عشقه سقایت سنین کیدی
.
حاشا کی خلف وعده آقا سیزدن اوز وئره
خلقت ده اصل صدق و صداقت سنین کیدی
.
شرم ایلورم کی پاک آدوی دلده ذکر ائدم
حرمت سنسن مقام رضایت سنین کیدی
.
ای والی ولایت عشق ای گل جنان
آب و شراب و حوری و جنّت سنین کیدی
.
کوثر قالوبدی حسرت اوپه گل دوداقوی
تسنیم و شیر و قند و حلاوت سنین کیدی
.
خلوت سرای عرش ده محرم سن آللها
حق ساحتنده عالی ارادت سنین کیدی
.
عالم سنه طفیلی دی ، سن مهتر عالمه
کانون لطف و بخشش نعمت سنین کیدی
.
ای ساقی محبّت و رأفت ، خماریوم
جام و سبو و ساغر و شربت سنین کیدی
.
سنسیز عبادتین ده بیزه یوخدو حاصلی
یوخدور بو سوزده شبه کی حجّت سنین کیدی
.
شمس الشّموس ملک ولا ، مهر معرفت
لمعه به لمعه نور شریعت سنین کیدی
.
ای باب حطّه شیعه سنه ایلور اعتصام
چک سایهٔ حریموه رایت سنین کیدی
.
بزم فیوض و مهر و وفا و محبّته
اعلا نشین و حکم صدارت سنین کیدی
.
حقّ کلامی ایتدین ادا ، حق دی مسلکین
ای قدوهٔ حقیقت ، حقیقت سنین کیدی
.
نفس زکیّه ، روح دعا ، جان معدلت
دست کرم ، فراز سخاوت سنین کیدی
.
نقصان یوخون دو صورت و سیرت ده نازنین
زیبا رخان عالمه سبقت سنین کیدی
.
شعشع سالوب دی گنبدوین نوری عالمه
شوری دوشوبدو باشلارا شوکت سنین کیدی
.
فضل و فقاهتنده ، بلاغت ده ، حلم ده
یوخدور تایین ، سریر فضیلت سنین کیدی
.
سن شهریار ملک بقاسن ، ندور فنا
عالی بنا و عالی امارت سنین کیدی
.
فصل الخطاب خلق دی فرمان حکمتین
انیشه ٔ سلامت و حکمت سنین کیدی
.
آل محمد عالمی ، آل علی گلی
حسن جمال و حسن ملاحت سنین کیدی
.
نوروندا غرق نوردو خورشید پر ضیاء
خور و نجومه خوان ضیافت سنین کیدی
.
پیغمبرین اورک پاراسی نور دیده سی
طاهایه حسن و خلقی شباهت سنین کیدی
.
اوچ یرده زائری آلاجاقسان پناهوه
فرمایشن دی ، عین روایت سنین کیدی
.
دور دادینه محبّ لرین ای امیر حسن
یوم جزاده حکم شفاعت سنین کیدی
.
اعمال نامه سی وئریلن وقته اللره
آتش گلنده ، نصر و حفاظت سنین کیدی
.
ای اصلی نور و باطنی نور و اساسی نور
درگاه حق ده عالی وساطت سنین کیدی
.
احکام دینه عالم و آگاه و آشنا
کانون حق ده حکم فقاهت سنین کیدی
.
ای لنگر زمین و زمان ، میر انس و جان
حلم و شکیب و وقر و متانت سنین کیدی
.
غبطه ائیدر جلالوه سکّان آسمان
ملک بقاده حشمت و رفعت سنین کیدی
.
نورون ستاره لر ایلیور سندن اقتباس
نوری کی ایلور انجمی زینت سنین کیدی
.
قطع ایله سن عنایتوی دهر اولار خراب
احسان سنین دی ، رحمت و نیّت سنین کیدی
.
درّ و گهردی لب لریوین خلقه هدیه سی
منبر سنین ، فضیلت صحبت سنین کیدی
.
بیر گوز وُرومدا فرشدن عرشه عروج ایدن
عرفان یولوندا سبقت و سرعت سنین کیدی
.
بُشرا کی عاشقندی هامی اهل معرفت
یابن البشیر، عطایه بشارت سنین کیدی
.
تقوی سنین ، ورع سنین ، حق الیقین سنین
قلب سلیم و رفق و رفاقت سنین کیدی
ای طلعتی طلیعهٔ مهر و کمال وحسن
ملک حیاده تخت ریاست سنین کیدی
دشمن لرین ده علم وه باش اندیریر سنین
حفظ حریم و حسن مروّت سنین کیدی
کوثر ولایتین دی که مست ایلور عاشقی
مهمان سنین دی ، مجلس عشرت سنین کیدی
ای طور عشقی طوری تحیّرده غرق ایدن
ارنی زنان وحدته جلوت سنین کیدی
جهلین داغین فنا ایلیر نور رحمتین
احبابه لطف و رحم و افاضت سنین کیدی
دریای بی کران دی جلال و مناقبین
بزم رضاده افضل مدحت سنین کیدی
سیمای علم و دین و ولا و هدا و مهر
خلقت باغندا عطر و لطافت سنین کیدی
طوبی گرک دی سایه سینی سندن اخذ ائده
مخلوق عرش و فرشه کفالت سنین کیدی
سکّان عرش و فرش و نباتادت و جامدات
سیّار و ثابت ، اولسا بصیرت سنین کیدی
حلقه به حلقه سلسلهٔ زر کبائرین
پاکیزه نسل و اصل و نجابت سنین کیدی
مُجرادی حکمون اهل سماوات سبعیه
سکّان عرش و فرشه زعامت سنین کیدی
حاشا بشرده بو جبروت و جلال و جاه
ملک بقاده خلقه امامت سنین کیدی
ترکیب عشق و معرفت و رفعت و کمال
فیض زیارتین دی ، سیادت سنین کیدی
واژه تاپانمورام اولا لایق مقاموه
هر وقفه ده مقام قداست سنین کیدی
قربان اولوم مناموه ای شهریار دین
صلواة خاصّ و سلم وتهیّت سنین کیدی
گویلوم ایوی خرابه دی ایله نظر آقا
قربان سنه صفای مرمّت سنین کیدی
درد فراقین الدن آلیب اختیاریمی
مهمان چاغیر، عنایت و دعوت سنین کیدی
قیل مفتخر منی آقاجان پای بوسوه
مندن دعادی , امر اجابت سنین کیدی
سایه نده چک منی اؤزووه ساخلا خدمته
نوکر سنین دی حسن درایت سنین کیدی
شرمنده ام کی شیعه لقا یوخ لیاقتیم
امّا اورک ده حبّ و مودّت سنین کیدی
هر قدر زشت اولام سیزه نسبت وئریلمشم
واقف دی اهل دل کی (هدایت) سنین کیدی
.
#رضویه #هدایت_تبریزی #رضویه_مدح #ترکی #زبدةالاشعار
نظر دهید