باخیرام هر طرفه محفل غم برپادی #پندیات__بدرخانی

به یاد مرحوم استاد حاج داود بیدقداری
.
.
احسان بدرخانی
.
.
باخیرام هر طرفه محفل غم برپادی !
بو نه شور و نه مصیبتدی بو نه غوغادی!
.
ئورگیمدن بوسوزی طوطی طبعیم سوروشوب !
شهریمیز قاره گیوبدور مگر عاشورادی!
.
ئورگیم گلدی دیله حل ائلیوب مسئله نی
دیدی بیر نوکره خاطر بئله واویلادی
.
اوکی بیر عمر اوخیوب نوحه کفن سیز شاهه
یاحسین سسله دی دائم اوجالوب فریادی
.
خوش سنون حالیوه احوالووه (بیدقداری )
قطره ده اولسون اگر قورخما حسین دریادی
.
نوکر ئولسه مگر اربابی اونا باش چکمز؟
اهل دل مورد لطف و نظر مولادی
.
کربلا صحنه لرین تجزیه تحلیل ائلسون
گورجکسن نقدر صحنه لری زیبادی
.
هم غلامین باشینی آلدی دیز اوسته مولا
هم اباالفضلینه باش چکدی عجب سودادی
.
یری واردور حاج (داوودیده) بیر یاد ائله سین
معرفت معدنی دور هم ئوزی هم اجدادی
.
(احسان) اخلاصیله بودرگهه هرکیم یخیلا
ایکی دنیاده اونون مرتبه سی والادی
.
#بیدقداری #_بدرخانی #ترکی #زبدةالاشعار