خدا بو ملت ایرانه چوخ عنایت ایدوب #حضرت_معصومه_رضویه_ستار_رزاقی

دهه کرامت ولادت حضرت معصومه (س) و امام رضا (ع)
.
✍️ #زبدةالاشعار ✍️
.
🆔: @nohe_torki
.
ستار رزاقی تبریزی
.
خدا بو ملت ایرانه چوخ عنایت ایدوب
ایکی وجودی بیزیم کشوره کرامت ایدوب
.
بیری امام رضا پادشاه خطه طوس
گدادی درگه امیدینه تمام نفوس
.
بیریده حضرت معصومه دور کی قم دا یاتوب
همان وجودیله اول خطه چوخ مقامه چاتوب
.
اوکی امام رضا ضامن غریباندور
اونون عنایتینه عالم اهلی حیراندور
.
وجودی ملک خراسانی گلستان ایلیوب
همان دیاری بحق دوندروب جنان ایلیوب
.
ایله ریوفیدی اول شهریار ملک جهان
عنایت و کرمی عالمینه گون تک عیان
.
وورار ملایکه پاک آستانینه بوسه
او آستاندی ویرن عزت وشرف طوسه
.
قویار اودرگهه یوز حسرتیله شاه وگدا
دییله جانمیز اولسون بو عز و شانه فدا
.
تمام چاره سیز امراضه اوردادور چاره
اولار بفوری مداوا او یرده بیماره
.
باجیسی حضرت معصومه نینده مثل بو شاه
اولوبدی صحن و سراسی جهانیانه پناه
.
کریمه دور بوخانم خلق ایچینده شهرتی وار
تمام عالمیانه بحق عنایتی وار
.
آتاسی موسی کاظم امام کون و مکان
رضادی قارداشی اهل ولایه روح و روان
.
سالار اوزون هامی درد اهلی آستانه سینه
امیدیله سخیلار درگهینده سایه سینه
.
خلاصه بو باجی قارداش بیزه شرف گتیروب
بو آب و خاکمیزی فر و عزته یتیروب
.
بو باجی قارداشا خاطر تمام دردو بلا
همیشه کشورمیزدن گیدور به اذن خدا
.
ولایت اهلی گرک شکر ایده بو عنوانه
کی حق عنایت ایدیبدور بو ملک ایرانه
.
بو لطف جانب حقدن بیزه عنایتدور
خدایه شکر ایدروق دهه کرامتدور
.
بو باجی قارداشا رزاقی نوندا واردی سوزی
همیشه لطف و کرامتلرینده واردی گوزی
.
اورکده وار غمی ایلر همیشه دادو نوا
گیدوب اولاردان آلا تا برات کربوبلا
.
.
#حضرت_معصومه_میلادیه
#رضویه_میلادیه
#خدا_بو_ملت_ایرانه_چوخ_عنایت_ایدوب
#ترکی
.
✍️ #زبدةالاشعار ✍️
.
🆔: @nohe_torki