میلادیه حضرت امام حسین (ع)
.
✍️ #زبدةالاشعار ✍️
.
🆔: @nohe_torki
.
سدید هریسی
.
باشقا بیرگون یارادیب خالق سبحان بوگئجه
گوندوزه بنزراولوب عالم امکان بوگئجه
.
بوگونون شعشعه سیندن قاماشیر گویده گونش
نورعلی نور اولوب عالمده نمایان بوگئجه
.
کائناتی بورویوب مهر ولایت ایشیقی
یائیلیب هرطرفه پرتو ایمان بوگئجه
.
آچیلیب عرش معلاده عنایت قاپوسی
ملکوت اهلی اولوب شادو خرامان بوگئجه
.
عرشیدن جاری اولوب سئل کیمی خیروبرکت
پایلانیب رحمت حق عالمه یکسان بوگئجه
.
مرج البحرین یلتقیان آیه سینی
سانکی تفسیر ائله ئیب لؤلؤ مرجان بوگئجه
.
گتیریب روح الامین مژده رسول اللهه
کی گلیب جان ائوینه سئوگلی جانان بوگئجه
.
آلیب آغوشینه جانانی بوغازیندن اؤپوب
اهل معنانی ائدیب واله وحیران بوگئجه
.
شیعه لر گؤزلریز آیدین کی حسین ابن علی
طمطراقیله گلیب عالمه سلطان بوگئجه
.
جان نه قابلدی «سدیدا» اونا قربان دئیسن
عالمین جانی اونون جانینه قربان بوگئجه
.
#حسینیه_سدید_هریسی
#حسینیه_میلادیه
#باشقا_بیر_گون_یارادیب_خالق_سبحان_بو_گئجه
#ترکی
.
✍️ #زبدةالاشعار ✍️
.
🆔: @nohe_torki
نظر دهید