زبدةالاشعار

آچدی زهرانون گلی گل لر طراوت تاپدیلار #حسینیه_مبکی_تبریزی

میلادیه حضرت اباعبدالله الحسین علیه السلام
.
✍️ زبدة الاشعار ✍️
.
🆔: @nohe_torki
.
مرحوم محمد شیخ زادگان ( مبکی تبریزی)
.
آچدی زهرانون گلی گل لر طراوت تاپدیلار
عندلیبان ذکر تسبیحه فراغت تاپدیلار
.
.
یر یوزی طرفه گلستاندور چمندن باج آلار
کوه و صحرانی ایدوب گلشن هامی حیران قالار
مرغ خوشخوانه بهار اولموش گلون یاده سالار
آختاروب بلبل گولون بو گونده وصلت تاپدیلار
.
.
اول گله بلبل گوزی دوشجاخ اوخور چه چه دیر
رنگ زیباسین گورن احسن گدا و شه دیر
باغرینا جدّی باسوب عطرین آلوب به به دیر
نونهالیندن هامی شیرین حلاوت تاپدیلار
.
.
باد رحمتدور صبا شیعه گتورموش خوش خبر
غصّه لی گوگلی آچار زنگ غمی دلدن سیلر
باغبان دین دریبدی میوۀ قلبین دیر
خوش پیاموندان سولان یوزلر وجاهت تاپدیلار
.
.
سس دوشوبدی کایناته سوّم شعبانیدور
عید میلاد حسیندورلطف حق شایانیدور
بوشلا گل بلبل سوزون بوحُجّت رحمانیور
مرحبا اوُل جمعه که فیض زیارت تاپدیلار
.
.
خلق اولوبدی نوریدن نور خدادور سرمدی
ایلیوب یُمن قدومیندن خرامان ابجدی
گه امردی بارماقین گاهی لسان احمدی
بو سببدن اوصیالر خوش فصاحت تاپدیلار
.
.
قالماسون بیر قلبیده درد و غم و خوف و هراس
عرش حق بو گون اولوب بزم سروره بیر اساس
ایلیوب حوریّه لر زینت گیوب فاخر لباس
شاد اولوب اجر تولّا اهل جنّت تاپدیلار
.
.
قلبلر حُبّ حسینیله خدا گوردی دولوب
قدسیان کرّوبیانون غصّه دن رنگی سولوب
امر ایدوب مولود مسعوده اولار زایر اولوب
پای بوسیندن ملائک لر سعادت تاپدیلار
.
.
شاد ایدوب بو باره دن محبوبه سین ربّ جلیل
خدمتینده اولدی حورا و ملک عبد ذلیل
قابله لعیا اولوب خادم حسینه جبرئیل
ایتدیلر حمد و ثنا توفیق خدمت تاپدیلار
.
.
ما سوالله بو شه اولدی عجب پشت و پناه
محضرین درک ایلدی فطرس پریشان چکدی آه
شهپیرین قنداقینه سوتجاق تاپوپدی عزّ و جاه
نه گوزل درمانده لر کان کرامت تاپدیلار
.
.
حاملان عرش اعلا اولدولار دلدن ملول
عرض ایدوبلر بار الهی عرضمیز وار قیل قبول
بیز حسین مشتاقیوخ لطف ایت بیزه امر نزول
واقفوخ دیده گیدنلر چوخ شرافت تاپدیلار
.
.
دوزمدی غم لشکری صبر ایولرین تاراج ایده
امر ایدوب روحُ الامین بو درده استعلاج ایده
عرشیده زینت تاپا سویدی حسین معراج ایده
باش اگوب وصل عالمین اهل حقیقت تاپدیلار
.
.
آلدی قونداقین اَلَه روحُ الامین لایلای دیدی
آغلادی باخدی اوطفله گوردی وای زهرا دیدی
پیک حق بیرسوز دیدی جدّی اوغول ایوای دیدی
غمنلون اهل کسا بیر اوزگه حالت تاپدیلار
.
.
گوئیا عرض ایلدی جانیم سنه اولسون فدا
اوغلوون واردی باشندا ماجرای کربلا
اوپ بوغازین لبلرین بودورذبحا من قفا
تهنیت قورتولماموش وضع مصیبت تاپدیلار
.
.
یاندی قلب فاطمه اشکیله دولدوردی گوزون
اولماموش عین قضایاغصیه سالدی اوزون
اولدی (مبکی) روزوشب ایتدی حسین وای دل سوزون
تیرغمدن قلب لر بسکه جراحت تاپدیلار
.
.
#حسینیه_مبکی_تبریزی
#حسینیه_میلادیه
#آچدی_زهرانون_گلی_گل_لر_طراوت_تاپدیلار
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  هیئتین سرسبد گول لریندن #ختم_خوانی #عدلی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی