زبدةالاشعار

بذل جان جانانه ازّل گون شه خوبان دیوب #حسینیه #بیضا_اردبیلی

حضرت امام حسین (ع) در قتلگاه
.
✍️ #زبدةالاشعار ✍️
.
🆔: @nohe_torki
.
مرحوم بیضا اردبیلی
.
بذل جان جانانه ازّل گون شه خوبان دیوب
مستقرّ دینه یتمش بیر نفر قربان دیوب
.
.
شوق وصل یار ایدوبدور کهنه سرمستانی مست
((این دل خونین من در ذکر یارب یارب است))
کسمگه باشیم نیه گلمور او شمر بت پرست
قالمیا عهدیمده نقصان شاه لب عطشان دیوب
.
.
خانۀ دینی بو یرده گلمیشم آباد ایدم
همّت خاصیله بو قرآندان استمداد ایدم
زنده دل افرادیله زهرا آنامی شاد ایدم
نعشیم اوسته آت چاپا بو فرقۀ عدوان دیوب
.
.
گوش نامحرم اولانماز جای پیغام سروش
گلسه یوز مین شمرلر بو شمع دین اولماز خموش
هر قدر ظلم ایلسه ابن زیاد سخت کوش
صود امر طفلیم کبوتر تک گچر جاندان دیوب
.
.
((شهسوار من که مه آیینه دار روی اوست))
صوت جان بخشیله منده سویلرم حق دوست دوست
در فراق یار، یاران این پریشانی نکوست
قرمزی مخمل چکلسون اوستومه یزدان دیوب
.
.
عرض ائدور ایمانیلن میخانه دور منزل گهیم
اولموشام پیر خراباتیله بو یرده سهیم
یوخ دلیم من سویلرم رمزیله رحمان الرّحیم
عَلَّم القرآنه اوخ دگدوقجا الرّحمن دیوب
.
.
((روی سوی خانۀ خمّار دارد پیر ما))
بادۀ وصلت ایچوب محو رخ جانان اولا
بزم وحدتدور تماشاگاه حیّ کبریا
هر قدر چکسه بلا سندیرمارام پیمان دیوب
.
.
جمع اولوب تفریق هم تفصیل هم تکثیر عدد
دوستی و مهر و عشق و ذکر الله الصمد
از دم صبح ازل تا آخر شام ابد
یان یانا یاتسون مه و خورشید والحسبان دیوب
.
.
آیت والشّمس والضّحا دینده حق سوزین
سعدون اوغلی دوشدی تشویشه یوموب فوراً گوزین
ویردی فرمان تیره باران ایلیون شاهون اوزین
خیمه گاهه هر طرفدن یاغدیرون پیکان دیوب
.
.
ایلرم دشت غم افزاده میسّر ظلمی طی
قبریده حیران اولا بو ظلمیله کاووس و کی
سایۀ ظلمیمده اولام صاحب املاک ری
ثبت اولا تاریخه ظلمیم شمر بی پروا دیوب
.
.
دوشدی ماته عرصۀ شطرنجده شه مات اولوب
قلب پاکیندن دگوب اوخ آیری تأویلات اولوب
سرّ کُنتُ کَنز مخفیاده تحقیقات اولوب
اسم اللهی یوز اون دورت سورۀ قرآن دیوب
.
.
نقد جان ویردی آلوب کالای وصلی شاه دین
قلب عالم آیت تنزیل قرآن مبین
دمبدم ذکر ایتدی هل من ناصر هل من معین
یار و مربوبی اونا لبیک هر یاندان دیوب
.
.
قل هوالله بدل پیمانینه پایان ویروب
یار بی آزارینه یتمش ایکی قربان ویروب
یاره لر آغزین آچوب گلزار دینه قان ویروب
منجی دینه فَتَرضی آیه سین سبحان دیوب
.
.
بوسه قیلمشدی ازل گونده مشیّت خامه سین
خردا قیزلاره گیندیرمشدی محنت جامه سین
یاخشی تنظیم ایلمشدی کربلا برنامه سین
چوللری روشن شرار آه مظلومان دیوب
.
.
شاه دینی آلدی آغوشه زمین کربلا
نینوا اولدی تجلّی الله فی وادی طوی
سسلنوب شوریله الرّحمن عَلَی العَرش استَوا
ربّی الاَعلا بو دشته کعبۀ ایمان دیوب
.
.
عارفانه شعر یاز «بیضا» صلاح اندیش سن
آتمش ایل یاحق و یاهو سویلیوب درویش سن
کلب دربار حسینی سن هم عارف کیش سن
غم یمه مولا اوزین درویشه پشتیبان دیوب
.
.
#حسینیه #بیضا_اردبیلی
#حسینیه_شهادت
#بذل_جان_جانانه_ازل_گون_شه_خوبان_دیوب
#ترکی
.
✍️ #زبدةالاشعار ✍️
.
🆔: @nohe_torki

این متن را هم بخوانید:  افلاکه چخوب هَمهَمه ویرانه سراده #حضرت_رقیه #سیفی_اردبیلی

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی