بو بعیدگهده گر چه سنه دل مقرب اولدی #حسینیه_شمس_شاب

راز و نیاز مولی الکونین علیه السلام در قتلگاه
..
..
..
..
شمس شاب تبریزی
..
..
..
..
بو بعیدگهده گرچه سنه دل مقرب اولدی
بو تقرب اوسته روحیم نچه ایل معذب اولدی
..
..
..
..
شفق آتدا شاه خاور دایانوبدی تخت غربه
که دوباره حکم قیلسون سپه نجوم حربه
تن ماهه تا ورولسون نچه تیر نچه ضربه
ایلسون دوباره اعلان کی قمر در عقرب اولدی
..
..
..
..
اوجالور ستارگان علویدن آه و ناله
باتیب علویان علیا حَمَل اوسته بس ملاله
قمر ولایه وورموش سپه ضلال هاله
بیله هاله تنگ سیره دییَسَن مُسَبّب اولدی
..
..
..
..
جذبات صبح وصلون منی ایلیوبدی مجذوب
دییَسَن عزیز مصری گوروری دوباره یعقوب
منی تختِ کبریایه ایلین بو گونده منصوب
غم جانگزای هجران نغمات یارب اولدی
..
..
..
..
دامیلوب سبوی حقدن گِل آدم اوسته قطره
ایله قطره حاملیدی نچه روح بخش عطره
نچه قرن گچدی کِلکِ ازلی گتوردی سطره
او بهالی قطره جاندا بلی «دل» مُلقَّب اولدی
..
..
..
..
سنه دل ویریب دل آلدیم دله دل شکایت ایتمز
دل اگر دل اولسا هرگز غمینی حکایت ایتمز
دله دل حرام اولوب دل دل آچیب منیّت ایتمز
اودی اوخ بهشت دلده شجر المجرب اولدی
..
..
..
..
یخلوبدی جرعه نوشان هره بیر طرفده مدهوش
ایله مست اولوبلا دهری ایلیوبله بس فراموش
بوگون ای یگانه ساقی ایله اولموشام قدح نوش
کی فراز دولتوندن قدحیم لبالب اولدی
..
..
..
..
منی چرخ سُرخ گونِ غمه ماهپاره ائتدون
شهدانی عرش عشقه نه گوزل ستاره ائتدون
غزل شهادت ایچره قانی استعاره ائتدون
دم غیبیدن آلیب دم بو هنر مُذَهَّب اولدی
..
..
..
..
چمن ولاده گویا بوحسیندی مرغ یا حق
اوخوری سرود قدسی دییوری که حقدی صَدَّق
بو چمنده چوخ اکیلدی گل یاس و سور و زنبق
ولی خون حقله بلبل قانادی مُخضَّب اولدی
..
..
..
..
«من» و «ما» ده حرف أُخرا اَلفیله نونی آتدیم
ایکی میمی درک ایدندن هدف و مرامه چاتدیم
منی مندن ایلیندن، سن اولوب قان ایچره یاتدیم
ایکی حرف اللى یدى ایله درس مکتب اولدی
..
..
..
..
بلی سِلکِ عشقی باشه یتیروبدی خسته سالک
نه گلایه گر چه گوردوم بویول اوسته چوخ معارک
أَنا عَبد أَنتَ مَعبود اَنا مُلک أَنت مالک
منه قلتگاه شهرِ جلواتِ موکب اولدی
..
..
..
..
ایله حالیمی پوزوبدور باجیمون اخا صداسی
نه روا او بی پناهین غمینون یوخ انتهاسی
او شریک ابتلادور اودی غملر آشناسی
بلی هر مصیبتمده منه یار، زینب اولدی
..
..
..
..
او زمان حسینه ناگه یتیشوبدی صوت یزدان
بو قدر تکلّم ائتمه هامی پیکرین ویرور قان
نه غمون که ثبت اولاندا آرامیزدا عهد و پیمان
سینه صفحه خامه نیزه بلی قان مرکب اولدی
..
..
..
..
سنه خونبهادی ذاتیم سنون اولسون عالمینیم
سنه بسته دور بقای لمعات مشرقینیم
من اوزوم کفیلم آل شه یثربه حسینیم
یمه غم سنیله رائج بیله دین و مذهب اولدی
..
..
..
..
قلم الده شمس شابه یتیشوبدى فیض غیبی
ووروسان رقم حسینه بیله ذوقیله نه عیبی
دییجاقدی دم ویروبلر او کی یوخدی شک و ریبی
بو مراتبیله سوزلر دوزولوب مرتب اولدی
..
..
..
..
#حسینیه #شمس_شاب #حسینیه_شهادت #قتلگاه #ترکی #زبدةالاشعار