ای جماعت من گیدوب ایرانی تاپشوردوم سیزه #رهبرشهید

به مناسبت شهادت رهبر جهان اسلام امام شهید حضرت آیت الله خامنه ای(ره)
«زبانحال امام خامنه ای»
..
..
..
کلامی زنجانی
..
..
..
ای جماعت من گئدوب ایرانی تاپشوردوم سیزه
انقلاب و مکتب قرآنی تاپشوردوم سیزه
..

سانمیون رهبر ئولوب ، آیینِ رهبر زنده دی
قدرت اسلامیله جدیم پیمبر زنده دی
حجت بن العسکری دنیایه سرور زنده دی
جان بو یولدا بذل ائدون جانانی تاپشوردوم سیزه
..

اولسا هر والا نسب مندن صورا رهبر سیزه
ایلیون بیعت اونا ویرسون جزا داور سیزه
اتحادوز اولماسا دشمن نفوذ ایلر سیزه
بو دیار ایمن و ایمانی تاپشوردوم سیزه.
..

ای سپاهی ای بسیجی ای پلیس ای ارتشی
سیز شهید وئردوز که حفظ اولسون نظامین ارزشی
دوشمیون تشویشه یوخدی دشمنین آرامشی
سنگری بوش قویمیون میدانی تاپشوردوم سیزه.
..

تک شعاریله شکوفا اولماز عشقین گلشنی
شور مرزندن قاچیر دون بی شعور اهریمنی
ایلیون برپا شکوهیله نماز جمعه نی
جمع اولون بیر خیمیه ، عرفانی تاپشوردوم سیزه.
..

یاریله عهد ایلین سویماز ولایت جامه سین
نشر ایدون دنیایه بو پیرون وصیت نامه سین
قویمیون یاددان چیخا کرب و بلا هنگامه سین
خطّ و مشی سید عطشانی تاپشوردوم سیزه.
..

کاش اولیدوز کربلاده ای مریدان علی
تا گوریدوز آختارور زینب نه حالدا مقتلی
نه حسین باشی تاپیلدی نه ابوالفضلین الی
یا لثارات الحسین بو قانی تاپشوردوم سیزه.
..

آغلادی زینب دیدی ای قتلگاهین توپراقی
زیر و رو اول تا گو راخ نولدی حسینون بارماقی
هی رباب آغلور دیور هاردا بالامون قونداقی
قوملار اوسته اول قوزی قربانی تاپشوردوم سیزه.
..

#امام_خامنه_ای #خامنه_ای #رهبرشهید #سیدعلی_حسینی_خامنه_ای #زبدةالاشعار