زبدةالاشعار

بو دل شبده منی یاد ایلدون سن یارالی #حضرت_رقیه #شعاع_تبریزی

زبانحال حضرت رقیه سلام الله علیها
.
✍️ زبدة الاشعار ✍️
.
?: @nohe_torki
.
مرحوم شعاع تبریزی
.
بو دل شبده منی یاد ایلدون سن یارالی
بو نه عالمدی بابا سن یارالی من یارالی
.
کُر::
یارالی جان یارالی من سنه قربان یارالی
بو نه عالمدی بابا سن یارالی من یارالی
.
.
گلموسن بو گیجه وقتی قزیوی یاد ایده سن
غملیدی غصه لیدی غصه دن آزاد ایده سن
غصه ویران ایلین گوگلونی آباد ایده سن
ایوین آباد اولا گَل یاخشی گلوبسن یارالی
.
.
من بولوردیم که سنق قلبلری سن آلاسان
رأفتیله یارالی دللره مرهم سالاسان
گلموسن بو گیجه ویرانده مهمان قالاسان
قالسان اولاّم ستم شمردن ایمن یارالی
.
.
دولانیم باشوه من کیم سنی بو حاله سالوب
سنی بوحاله سالان تاب وتوان مندن آلوب
بو باشوندور بابا جان بس بدنون هاردا قالوب
کسدی باشون دی گوروم هانسی دل آهن یارالی
.
.
کیم وروب دست ستمله بو گوزل باشه یارا
باشوه یاره وورانلار گونومی ایتدی قارا
سن هارا یاره هارا من هارا ویرانه هارا
عزتیم سنله گیدوب ای سر بی تن یارالی
.
.
من بولوردوم که بابا واردی قضاسی باشوون
گله ای کاش منه جمله بلاسی باشوون
گوزلریمدن بوآخان یاشدی دواسی باشوون
اوزگه درمانه گمان یوخدی بولورسن یارالی
.
.
قان اولان گوگلومی ویران ایلدی باش یاراسی
هامی بیر یاره دن اولموش لبوون باش یاراسی
یاندورور قلبیمی آنونداکی بو داش یاراسی
دوتوب اود من کیمی دلدن یانا دشمن یارالی
.
.
گل دوداقونداکی بو قانی آخان یار ه ندی
قانی خشک اولموری ایوای منه بس چاره ندی
منده یوخ چاره ایدم چارة بیچاره ندی
ویر نشان چاره یولون گل دله دیللن یارالی
.
.
دگی بیجا قزیوی گوزدن آتوبسان باباجان
باش وئروب مقصد و مقصوده چاتوبسان باباجان
یوخسا مطبخده تنور ایچره یاتوبسان باباجان
بلشوب تا کوله بو حسن محسن یارالی
.
.
سالسا باجادی شرر کونه شرار محنیم
تیره شامه گونوزیم دوندی بو شام ایچره منیم
تازیانه اثریندن گوی اولوبدور بدنیم
غبطه بوجسمه ایده وار یری سوسن یارالی
.
.
آغلادار باخسا مدام آل خلیلی یوزومه
قان دولان گوزلرون آچ باخ بابا نیلی یوزومه
گور نجه شمر وروب ظلمیله سیلی یوزومه
ایلیوب طعن او خانا سینه می مخزن یارالی
.
.
سن نجه گون کیمی باتدون ایله منده باتارام
سنون عشقونده بو عالملری گوزدن آتارام
کنج ویرانده قبریمده کفنسیز یاتارام
دییر عشاق جهان عشقمه احسن یارالی
.
.
عموم عباسه نه گلدی سنه ال تاپدی عدو
قویدی یوخسا اونا حسرت من بیچاره نی سو
سویی اولمادی اودی خیمیه دوندرمدی رو
سویله گل ایستمرم بیرده سوگلسن یارالی
.
.
سالدی دامه منی سندن صورا صیاد بلا
سنه تابع اولوب اولدوم نه بلا گلدی رضا
دیلیمه دگمدی بو مدتی بر ایستی غذا
بنزرم قالب بی روحه اودور من یارالی
.
.
چوخ دوگوبدورر بابا یوللاردا منی شمر دنی
بیر دیین اولمادی دویمه بو جلای وطنی
چاغوراردوم او وورندا منی امداده سنی
گلمدون دادیمه کوسدوم اودی سندن یارالی
.
.
من دیدیم کوسموشم آرتدی غمون ای طاقتی طاق
عفو ایله گل ئولورم بیرجه دوینجا دانشاق
قوی ئوپوم بیرده یارالی دوداقوندان بارشاق
سنه نسگل اولی ئولسم منه شیون یارالی
.
.
آغلاما خسته سن اوز روحووی اینجیتمه بابا
آغلیوب لاله کیمی باغریمی قان ایتمه بابا
ئولورم گل منه خاطر بو گیجه گیتمه بابا
من ئولندن صورا نسگل اولی گیتسن یارالی
.
.
#سبک_یارالی_جان_یارالی … 4 سبک
.
.
#حضرت_رقیه_شهادت
#بو_دل_شبده_منی_یاد_ایلدون_سن_یارالی
#شعاع_تبریزی
#ترکی
.
✍️ #زبدةالاشعار ✍️
.
?: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی