زبدةالاشعار

ای اولان خلقتده نوری نور سبحان یا علی #حیدریه

مدح امیرالمومنین علی (ع)
.
✍️زبدة الاشعار✍️
?: @nohe_torki
.
مرحوم حاج میرزا علی عطار خیابانی (دلخون تبریزی)
.
ای اولان خلقتده نوری نور سبحان یا علی
قلب عالمسن جمالون ماه تابان یا علی
.
باعث ایجاد عالمدور وجود اطهرون
ای شه مشکل گشا وی شاه مردان یا علی
.
هر ایکی دنیا سنیله چون تاپوپ نظم و نظام
هم اولور سنله جزاده عدل میزان یا علی
.
سن لسان حقّ سن حق اولدی سنله آشکار
ای صفات حقّیله نوری درخشان یا علی
.
یا امیرالمومنین سنسن وصیّ مصطفی
برقرار اولدی سنیله رکن ایمان یا علی
.
سن شهنشاه جزاسن سن ولی کردگار
وصف اوصافون اولوب آیات قرآن یا علی
.
شأنوه گلدی اُحد ده لافتى الا على
جبرئیل اولموش سنه هر آن ثنا خوان یا علی
.
اولماسیدی کشتی نوحه اگر سندن نجات
غرق ایدردی فُلک نوحی موج طوفان یاعلى
.
حضرت موسایه نور پاكون اولدی جلوه گر
طور سیناده اولوب موسی هراسان یا علی
.
حضرت عیسی تکلّم ایتدی مهد ایچره اگر
سن بولوبسن اژدهانی، شاه دوران یا علی
.
ایلدون بیر آنیده ای پادشاه انس و جان
حضرت ابراهیمه ناری گلستان یا علی
.
غزوۂ خندقده ویردون عمره بیر ضربت اگر
ایندیده اول ضرب و شسته اولموش حیران یا علی
.
قلعۀ خیبرده باب خیبری آلدون الَه
عرصۀ محشر اودم اولدی نمایان یا على
.
وصف اوصافونده دل حیران و سرگردان قالوب
توسن طبعیم ایدر بیر اوزگه جولان یا على
.
گه نماز اوسته ایدر سن سائله بخشش نگین
گه ویرورسن باش، اولورسان قانه غلطان یا على
.
#گریز #حسینیه_شهادت
.
ارث قالدی وارثه سرمشق اولوب بو ماجرا
کربلاده الده اولدی یاخشی عنوان یا على
.
باش سوسوز ویردی حسین انگشتری انگشتیله
قالدی جسم زخمداری یرده عریان یا على
.
پاره پاره پیکرینی قوملار اوسته سویدیلار
بیر به بیر رخت شریفین قوم سفیان یا على
.
شمر دون غارت آپاردی پیکریندن باشینی
چخدی عرشه اول زماندا آه و افغان یا على
.
آه او ساعتدن یزید آلدی الینه خیزران
اولدی بو احواله عالم دیده گریان یا على
.
خامۀ (دلخون) بو محنتده قالوب رفتاریدن
قورخور اود دوتسون آلشسون الده دیوان یا على
.
#حیدریه_مدح
#ای_اولان_خلقتده_نوری_نور_سبحان_یاعلی
#دلخون_تبریزی
#ترکی
.
✍️ #زبدةالاشعار✍️
?: @nohe_torki

متن پیشنهادی:  بو نه غمدور نئچه ایلدور سنیله همدمدور

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی