اربعین
..
..
..
مرحوم ذهنی زاده یا مرحوم عاصی تبریزی
(تکمیل توسط حسنی تبریزی)
..
..
..
بو سفرده عشقون اولدی زینبه زمینه قارداش
گتدی ساحل نجاته بیر سینیق سفینه قارداش
..
..
..
..
هر مسافرون سفردن خاطراتی یار خاطر
خوش گونی سرور قلبی غم گونونده بار خاطر
واردی بو سفرده بسکه منده چوخ غبار خاطر
آز قالور که سالسون آتش بو دل حزینه قارداش
..
..
..
..
هانسی بیر دله سالور اود گور شرار درد و محنت
بیر دیلی که قویدون اوندا دست رأفت و عطوفت
کاش مصلحت بولیدون قویمییدون ال او ساعت
غصّه مرگ اولوب گیدیدی قبره بو کمینه قارداش
..
..
..
..
اختیار اولیدی منده یار اولیدی گر مشیّت
آرزومیدی اولیدیم قبروین یرینده تربت
توپراقیم اولیدی قبرون ای خلاصه محبّت
باغرینا باسیدی جان تک پیکرون بو سینه قارداش
..
..
..
..
دست بسته گیتموشم من هر دیاره هر مکانه
فاش قیلمیشام برادر سرّ نهضتون جهانه
خاطریمده خاطراتیم چوخ چتین گله بیانه
بسکه یوز ویروبدی غملر زینب غمینه قارداش
..
..
..
..
توپراقیم اگر اولیدی خاک مدفنون برادر
هارا بی کفن گیدردی قبره بو یارالی پیکر
مهری بالشون اولاردی روحی بیر لطیف بستر
زلفیمی کفن ایدردیم جسم نازنینه قارداش
..
..
..
..
تیره بختیدیم بو بختیم اولدوزی کیمی باتیدیم
بخته باخ که قویمادی بیر آرزومه من چاتیدیم
اولمادیم حصیر اقلّاً سنله قبریده یاتیدیم
قبریدنده بیر دوریدوخ روز واپسینه قارداش
..
..
..
..
ممکن اولمادی نولوردی یوزده گوز یاشون اولیدیم
غم گونی یوزه آخاندا غصّه یولداشون اولیدیم
چوخ قاباق ئولیدیم ای کاش ایندی باش داشون اولیدیم
باش داشی بولیدی عالم زینبی حسینه قارداش
..
..
..
..
ایسترم اجل گلوب تئز درک ایده بو جسم زاری
خوشدی قبریوین یانیندا زینبین اولا مزاری
ایستمور دوباره دوشسون شهر یثربه گذاری
گورمیه بئلی بوکولموش مردم مدینه قارداش
..
..
..
..
عشقیوون تئلی بو مرغ روحیمه کمند اولوبدی
گئتمز آیری بیر مکانه دام یاره بند اولوبدی
مجمر غمونده یانماق ایستیری سپند اولوبدی
یاندیروب خیامیویله گر چه قوم کینه قارداش
..
..
..
..
قبریوین طوافی حکم عشقیله اولوب فریضم
محضر ملیک عشقه واردی ویرماقا عریضم
ویر شفامی تربتوندن گورموسن نجه مریضم
یاندی جسم و روح زینب عشقون آتشینه قارداش
..
..
..
..
چشم آشنای عشقه سنله قول بویون گورونّم
محرم مصیبت اولّام غم لباسینه بورونّم
قتلگاه او گون او ساعت یادیمه دوشر سورونّم
سن کیمی یارا گوتورّم عارضه جبینه قارداش
..
..
..
..
ماجراسی قتلگاهین گوز ایوینده تازه لندی
باشیمه دوباره گرد محنت و الم اَلَندی
بو همان منای عشقه باشدا اللری گلندی
اوندا نعشون اوسته ایمدی گلدی اربعینه قارداش
..
..
..
..
جام وصل یار ایچنلر مست اولوب گیدوبله هوشه
هر مرید هوشیارون اخذ ایدوبدی حشره توشه
ایلیوبدی اکبر اوغلون بو مزاری آلتی گوشه
اولدی فرشیده بو قبرون عرش ایچون قرینه قارداش
..
..
..
..
نطقه گل محبّتیله یاره یاره دن خبر ویر
دردمند عشقه قارداش راه چاره دن خبر ویر
بو ملر قالان ربابه شیر خواره دن خبر ویر
عمری قورتولونجا حسرت قالدی هم نشینه قارداش
..
..
..
..
جوشدی داشدی سیل اشگیم یوزده بیر آخان سئل اولدی
رشتۀ امید زینب پاره پاره تل تل اولدی
سن کیمی رقیّم ئولدی توپراق اوسته نسگیل اولدی
شامیده قالوب رقیّم تک گلوب سکینه قارداش
..
..
..
..
بادۀ وصال ایچنلر مست عشق یار اولوبلار
باشیدن گیچوب فدای راه کردگار اولوبلار
آبروی آفرینش دینه افتخار اولوبلار
فخر ایدر بولار یاتان یر جنّت برینه قارداش
..
..
..
..
نهضتی که ایتدون آغاز زینبیله تاپدی پایان
سن شهید حکم قرآن من اسیر راه ایمان
بو اسارت و شهادت عالمه ایدوبدی اعلان
بیر حیات جاودانی عاید اولدی دینه قارداش
..
..
..
..
گوللرین سارالدی سولدی بلبلون چمن سیز اولدی
هی وطن سراغی دوتدی عاقبت وطن سیز اولدی
سینون اوسته کی یاتان قیز شامیده کفن سیز اولدی
دفن اولوب خرابه یرده بیر جهان دفینه قارداش
..
..
..
..
قویسالار مجاور اولّام قبریوین یانیندا قالّام
یاره لی قوشام سیخیلّام سایه سینده دالدالانّام
سو سپر گوزوم سوپورَّم زلفیله غبارین آلّام
سجده ایلرم همیشه قبریوین یرینه قارداش
..
..
..
..
بو سوزی یازاندا «ذهنی» روز واپسینه یتدی
رحمت خدایه واصل جنّت برینه یتدی
قالدی سوزلر «عسگریده» بیر گون «حسنییه» یتدی
باز بقیّه سین بویوردی خوشدی چون زمینه قارداش
..
..
..
..
گرچه وار ایکی عقیده باشلانیش بو شعرلرده
«ذهنی» فتح ایدوب بو بابی «عاصینی» دیولّه بیرده
هر بیری یازا مسلّم عالی نظم ایدوب بو یرده
رحمت و نوال ایزد روح هر بیرینه قارداش
..
..
..
..
4 مصرع آخر آز آقای احد کامران ور می باشد.
..
..
..
..
#اربعین_عاصی_تبریزی #اربعین #حسنی_تبریزی #اربعین_ذهنی_زاده #ذهنی_زاده #عاصی_تبریزی #ترکی #زبدةالاشعار
نظر دهید