ورود کربلا
زبانحال حضرت اباعبدالله الحسین (ع) به حضرت زینب (س)
.
.
#سبک_مسلمون_شهادتی (5 سبک)
.
.
مرحوم قدرت اله نادری میانجی
.
.
ای آنام نشانه سی
درده مبتلا باجی
فاطمه یگانه سی
دخت مرتضی باجی
.
.
بو محرم آییدور واضحین دیوم سنه
بو بلالی دشتده دشمن ال تاپار منه
فرصتی وئرر فلک بوردا یاغی دشمنه
یوز وئرر حسینیوه اوندا مین بلا باجی
.
.
آغلاما انام باجی قانه من باتان زمان
صبر قیل مصیبته بیدقیم یاتان زمان
اصغره ستم اوخون حرمله آتان زمان
اولدی چون منه وطن دشت کربلا باجی
.
.
بو بلالی باشیوه مین بلا گلر او گون
شمر دون بو باشیوه خاک غم الر او گون
الده قارداشون حسین تشنه لب ئولر او گون
قانیلن دولان زمان دشت نینوا باجی
.
.
قوملار اوسته حالیمه قلبیدن یانان گلر
قتلگاهیمه منیم فاطمه آنان گلر
کسمگه بو باشیمی شمرله سنان گلر
ذوالجناحی گورجگین باشه سال قرا باجی
.
.
ای بلالی زینبیم یوخدی بوردا حرمتون
ذلت آختارور سنی باشه یتدی عزتون
آز قالوبدی باشلانا محنت و مصیبتون
چون اسیر ائدر سنی قوم اشقیا باجی
.
.
قارداشیم قولون او گون اهل کوفیان سالار
حیدرین قرارینی اوندا قوم دون آلار
اود وورالار خیمیه اوددا عابدیم یانار
قویما اود ایچینده سن عابدیم یانا باجی
.
.
چون بو چولده ای باجی یوز وئرر بلا منه
اولمیار بو دشتیده بیرجه آشنا منه
یالقوزام او وقتده اولگلان آنا منه
باخ منه آنا کیمی ای منه آنا باجی
.
.
بو بلالی سرزمین توپراقی دوا اولار
قاسمیله اکبریم امته فدا اولار
من خلیل کربلا عهدیمه وفا اولار
لیلیدور بو دشتیده هاجر منا باجی
.
ایستمم یزیده من بندۀ عبید اولام
عرصه گاه عشقده ایسترم وحید اولام
گلمیشم بو دشتیده تشنه لب شهید اولام
فخر ایده جزا گونی ختم انبیا باجی
.
یاز بو شرحی «نادری» سبط مصطفی حسین
زحمت شهادته اولدی چون رضا حسین
ای شهید کربلا جان سنه فدا حسین
شاهدیمدی بو سوزه عرش کبریا حسین
.
.
.
#ورود_کربلا
#ای_آنام_نشانه_سی_درده_مبتلا_باجی
#نادری
#ترکی
#زبدةالاشعار
نظر دهید