روضۀ ذوالجناح
.
✍️ زبدة الاشعار ✍️
?: @nohe_torki
.
مرحوم سعدی زمان
.
بو نه قاندور توکولور ، بو نه علامتدی فرس؟
صاحبون هاردادی ، میداندا قیامتدی فرس؟
.
یاندورور عترت اطهاری بو حالون یاخوری
وار نه علت که گوزون هر یانا حسرت باخوری
سو کیمی هر طرفوندن گورورم قان آخوری
صاحبون حالینه بو حالون علامتدی فرس
.
بُلمدون زلفین آلوب عترت اطهار الینه؟
وئردون ئوز صاحبیوی لشگر اشرار الینه
شمر آلاندا دئمدون خنجر خونخوار الینه
بو حسین سیزلره جدّیندن علامتدی فرس
.
بیوفا اولمادی بیر ذرّه مگر سنده وفا؟
بیر نفر یالقوزی قویدون بیر ایله کافر آرا
وئر خبر کرب وبلا شاهینه یتدی نه بلا؟
آشکارا دئمه سن ، جای شکایتدی فرس
.
سنه باخدوقجا بی بیم خیمیه شیون سالوری
سس گلور کوفه لیلر طبل بشارت چالوری
واضحین سویله گوروم ئولدی بابام یا قالوری
نیه بس گلمدی گر ساقدی سلامتدی فرس
.
عمَّم آز وقت دور آغلار گوزیله زار و فکار
بابامی ائتدی سنه خیمه قباقینده سوار
هاردا یخدون یارالی جسمینی باشینده نه وار
ئولمیوب گر ، بو قُشوندا نه بشارتدی فرس؟
.
بو غریبون دیمدون یوخدی یانیندا آناسی؟
نیلیوبدور سیزه آخر بو پیمبر بالاسی؟
ووروسوز پیکرینه بیر بیله خنجر یاراسی
دئموسوز اوخ یاراسی بسدی کفایتدی فرس؟
.
راکبون هاردا قالوب گلموسن آیا بئله تک؟
بُلوسن ئولسه بابام بیزلره یوخ کیمسه کمک
گوز تیکوبدور یولا هشتاده یاخون قاره لچک
بو باشی قاره لیلر آلِ رسالتدی فرس
.
بابامین حالینه گوردوم یانوری قلبی داشین
ایله عطشاندی قوروتموشدی عطش گوزده یاشین
دئ گوروم وئردیله سو کسدیله یا تشنه باشین؟
ئولمیوبدور بابام آیا ، بو نه حالتدی فرس؟
.
وئر نشان مقتلینی مصرع سلطانه گئداخ
کسمسین باشینی یالوارماقا دونانه گئداخ
گتوره بُلّوخ اگر جسمینی میدانه گئداخ
بابامین یوخ کمکی وقت حمایتدی فرس
.
دوتولوب گون بو نه عالمدی قرا یللر اسیر
شمر دون یوخسا بابام باشینی میداندا کسیر
بابامین باشی کسیلسه بیزی ایلَلَّر اسیر
بُلورم کوفه لیلر اهل شقاوتدی فرس
.
یال و بالون بویُیوب قانه سراسر اَوباش
دولودور تیریله جسمون توکوسن گوزدن یاش
سنکیمی صاحبوون جسمیده یوخسا باشا باش
زخم شمشیر و خدنگیله جراحتدی فرس
.
آغلا گوز یاشیوی توک عارضه «سعدیِّ زمان»
بلکه لطفاً چاقورا قبرینه سلطان جهان
خیمه گاهین قاباقیندا ائده سن ورد زبان
بو نه قاندور توکولور، بو نه علامتدی فرس؟
.
#سبک_یارالی_جان_یارالی ( 4 سبک )
.
#ذوالجناح
#حسینیه_شهادت
#سعدی_زمان
#بو_نه_قاندور_توکولور_بو_نه_علامتدی_فرس
#چهارده_معصوم_حسینی ص 154
#ترکی
.
✍️ #زبدةالاشعار ✍️
?: @nohe_torki
نظر دهید