زبدةالاشعار

یازاندا خامه غم بی شمار زهرادن #فاطمیه_خوندل_تبریزی

در مصیبت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
مرحوم #خوندل_تبریزی
.
یازاندا خامه غم بی شمار زهرادن
آخار سرشگی اولار شرمسار زهرادن
.
او عقل کل، فداها دئردی بو خانیما
بو سوز کفایت ایدر افتخار زهرادن
.
بلند قدیله فوراً ایدردی استقبال
گلنده ختم رسل گلعذار زهرادن
.
بویوردی ام ابیها گورنده اوز قیزینی
بو بیر عطیه دی باب کبار زهرادن
.
مقام قربده اندازه سی عبادتنون
عیاندی دیده شب زنده دار زهرادن
.
دیسم بشردی که اولماز بشرده بو عظمت
گرک بو سوزدن ایدم اعتذار، زهرادن
.
دیسم که حوریدی انسیه شکلده بو خانم
خطا اولار آزالار اعتبار زهرادن
.
نه حور، بلکه دیسم حور کسب فخر ایلر
کنیزی فضه او خدمتگزار زهرادن
.
دئسم که نوردی ماهیتی، خطا دیمیشم
سوروش جوابنی پروردگار زهرادن
.
اولوبدی نور اوزی ماهیت بتوله حجاب
قضیه روشن اولار استتار زهرادن
.
نه خلق ایدوبدی فقط آفریدگاری بولر
نمای قدرت اولار کردگار زهرادن
.
مقام عصمتنه رشک ایدر خانم مریم
کمال عصمت اولار آشکار، زهرادن
.
خدا که مریمی تطهیر ایدوبدی تهمتدن
نه ارتباطی جلال و وقار زهرادن
.
فقط لیذهب عنکم دلیل کافی دور
وجود اطهر و پرهیزکار زهرادن
.
تمام مدت عمرونده یوخدی نقطه ضعف
زهی شرف اولوب عصمت حصار زهرادن
.
حیا و عفت و زهد و عفاف و شرم و وقار
تاپوب جهاندا فقط اشتهار زهرادن
.
فریضه دن صورا هر گون ایدردی راز و نیاز
آلاردی بهره هامی اهل جار، زهرادن
.
خبر امام حسندندی نقل ایدر گجه لر
که فیض منطق آلاردیم کنار زهرادن
.
گوردیم اوزگه لری ایلوری دعا اول
اولار بو مسئله بیر ابتکار، زهرادن
.
دئدیم آنا نیه همسایه لر مقدم اولور
جوابه باخ لب گوهر نثار زهرادن
.
بویوردی لطفیله الجار ثم الدار
بودور ادای حق همجوار زهرادن
.
بو عزت و بو جلالت بو شوکت و بو شرف
نه انتقام آلوری روزگار زهرادن؟
.
جواندی مینلریله آرزوسی واردی ندن
اولوب وفا نیه خواهش شعار زهرادن
.
سولوب جمالی، سموم خزان گلوب آپاروب
صفای زلف سر مشگبار زهرادن
.
نه ایستری به قدر درست ویروب یارب
بو چرخ کجروش و کجمدار زهرادن
.
هجوم ایدنده او درباره، قوم بی پروا
عجبدی ایتمه دیلر شرم و عار، زهرادن
.
اوزی هلاکته مشرف خانمدا همته باخ
اولور عم اوغلوسنا جان نثار زهرادن
.
دوتوب علی اتگیندن او ال که صدمه گوروب
نشان ویرور بو عمل اقتدار زهرادن
.
آیردیلار اونی، آیریلمادی اوزی، اما
اولوب بو خدمتی بیر شاهکار زهرادن
.
اوزولدی جبرا الی دامن ولایتدن
ولی اوزوب او الی، اضطرار، زهرادن
.
نجه آیردی اونی تازیانه قنفذ
همان او حادثه ناگوار زهرادن
.
ویرنده غسلینی گوردی قولوندا بازوبند
آپاردی تاب و توان شهریار زهرادن
.
ایله سولوب سارالوب باغ مصطفایه نهال
خزان ایگی گلوری نوبهار زهرادن
.
یاناندا درگه رحمت یانوبدی گلشن و گل
شرار آه دل شعله یار زهرادن
.
علینون اللری باغلاندی بیعت اوستونده
آپاردی صبر، دل بردبار زهرادن
.
فشار و زحمت دیوار در، تهاجم خصم
محال رد اولا پوشش عذار زهرادن
.
یخلدی قویمادی چادر باشندان آیریلسون
گرک خانملار آلا اصطبار زهرادن
.
نیه عیانی بتول اوسته سالدی شیر خدا؟
علی اوتاندی تن زخمدار زهرادن
.
امام گوردی او حالیله همسرین یخلوب
آلوب او حادثه صبر و قرار زهرادن
.
فقط علیدی دوزر احترام دینه گوره
آخور یارالیدی قان چشمه سار زهرادن
.
گوزی گوره گوره گل غنچه سی اولار پرپر
جفا الی آیرور شاخسار زهرادن
.
او حال ضعفیله تا آچدی گوزلرین زهرا
سراغ دوتدی ازل تاجدار زهرادن
.
بویوردی فضه عم اوغلوم هانی؟ هارا گیتدی؟
خبر مشخص اولار اختبار زهرادن
.
دوروب او حالیله گلدی علی حمایتینه
دوشوبدی وحشته قوم شرار، زهرادن
.
کمال غیضیله ایتدی خطاب دخت رسول
اماندی ال گوتورون شهسوار زهرادن
.
خلیفه حس ایلدی احتمالی وار که یانا
مدینه سوز دل پرشرار زهرادن
.
ایدوب خطاب او قومه، علیدن ال گوتورون
گلور هلاکت ایگی آه و زار زهرادن
.
بتولده شرفه، نصرته، شهامته باخ
علی نجات تاپار انتصار زهرادن
.
او شاهی ایتدی خلاصه خلاص او مهلکه دن
اولوب حیات علی پایدار، زهرادن
.
قباله فدک و بین راه و شرم بتول
اوتانمیوبدی او بی بند و بار، زهرادن
.
صحیح اولسادا شرم ایله، سن قلم، یازما
او سخت مرحله رهگذار زهرادن
.
اولار که مطلبه چوخ آشنادی قوی یازسون
جراحت رخ و یا گوشوار زهرادن
.
قویاندا توپراقا گلبرگ صورتین او گجه
گوروب نه منظره چشم خمار زهرادن
.
گلوب فغانه دئدی انتقام آلوردی مگر
بو دور گردش ناسازگار، زهرادن
.
علیده آغلادی بیر لحظه هایهائیله
نه گوردی چشم تر اشگبار زهرادن
.
مدینه شهرینه بیر شدتیله حاکم اولوب
سکوت محض شب مرگبار زهرادن
.
تمام ایولری بی نور، بی فروغ و خموش
او شهر ظلمت آلوب لیل تار زهرادن
.
فقط اباذریدی بیر نفر کنارینده
یاناردی سوز دل داغدار زهرادن
.
وصیتنده اوزی اعتراف ایدوب بو خانم
بو طرز نقل اولونوب احتضار زهرادن
.
عم اوغلی حق اوزی شاهدی بو ایوه گله لی
یتیشمیوب سنه هرگز فشار، زهرادن
.
نه بیر یالان نه خیانت ویروبدی باش مندن
گینه گذشتیوه وار انتظار زهرادن
.
آتام که گیتدی منه چوخ بلا بو آز وقته
یتیشدی زندگی مستعار زهرادن
.
آپاردی تاب و تحمل، گتوردی پیک اجل
او درگهونده اولان گیر و دار زهرادن
.
سولوبدی زینب و کلثومیله حسین و حسن
سموم غمله سولان لاله زار زهرادن
.
جوانیدیم چوخیدی آرزولریم افسوس
کسیلدی الفت دار و دیار زهرادن
.
محال امردی من سندن آیریلام نیلیوم
قضیه خارج اولوب اختیار زهرادن
.
علی محبتی هر دلده (خوندل) اولسا اگر
اولار شفاعته امیدوار زهرادن
.
دوشوب حوادثه روحی، مریض اولوب ایستر
دوای دردینی بو خاکسار، زهرادن
.
#فاطمیه_شهادت
#یازاندا_خامه_غم_بی_شمار_زهرادن
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  آه و افسوس داخی صوت جلی گلمیه جاق #حیدریه_زرین_قلم

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی