بو گون کرب و بلاده غم اخیامه گلوبدی #امان_نامه_سیدبشیرحسینی

تاسوعا و امان نامه
..
..
..
..
#سبک_علی_جان_بالا_لبیک
..
..
..
..
..
سید بشیر حسینی میانجی
..
..
..
بو گون كرب و بلاده، غم اخيامه گلوبدي
ابوالفضله ديوللر، امان نامه گلوبدي
توكور گوزياشي قيزلار
سيزيلدیر اُول سوسوزلار
..
.
.
.
گلوب شمرِ ستمگر، اوجا تَلّه چاتاندا
اوجا سسله چاغيردي: باجيم اوغلي هاياندا؟
باخوبدور حرم اهلي علمداره گوروبلر
باشين سالدي اشاقه، ابوالفضل او زماندا
حسين سسله‌دي: عبّاس!
نه سؤيلور گور او خنّاس
.
.
.
.
امام امرينه فوري، اطاعت ائدوب عبّاس
گئدوب تلّه يئتوبدي، خطابت ائدوب عبّاس
علي اوغلي غضبله، ديله گلدي، او شمرين
جوابين ائله وئردي، خجالت ائدوب عبّاس
ملك¬لر دئدي گؤيدن:
بئله قارداشا احسن
.
.
.
.
غضبله او غضنفر، باخوب روبهِ خواره
فدك يادينه دوشدی، دوتوب قلبي شراره
او باغين سَنَدين چون عمَر پاره ائدوبدي
ائدوب بو عوضيندن، امان نامه‌ني پاره
جيروب نامه‌ني سقّا
سؤيندي دلِ زهرا
.
.
.
.
.
بويوردي من او ماهم، كي گوندن آلورام نور
گله مين بئله نامه، ائدنمز مني مسرور
قسم اولسون اليمده، اسن پرچمِ دينه
حسين بن علي‌دن، يقين اولمويارام دور
نقدري نفسيم وار
علمدارم علمدار
.
.
.
.
.
نشان وئردي وفاسين، ابوالفضل وفادار
او سروردن آلالاّر، وفا درسيني اَحرار
وفاسيني گورنده، قويوبلار يئره جامي
علمداره اوركدن دعا ايله‌دي قيزلار
اُول عبّاسين الهي!
اؤزون پشت و پناهي
.
.
.
.
.
بو بير آيدي كي هئچ بير سماده تايي يوخدور
ادبده تايي يوخدور، وفاده تايي يوخدور
گوروب چوخلاري بوندان كراماتِ فراوان
كرَمده تايي يوخدور، سخاده تايي يوخدور
بئله باب الحوائج
هاني تا اولا رايج؟
.
.
.
.
گرَك عشقيله عمرين، يئتيرسين باشا نوكر
دئسين بزم عزاده، گُهَر گوزياشا نوكر
گيوبسن قئره كؤينَك، ائله نوكر اُول اي دل!
هاياندا سني گؤرجَك، دئسونلر: ياشا نوكر!
سنه يار اولا عبّاس
نگهدار اولا عبّاس
..
..
..
..
قسم وئرّم الهي!، ائله ماهِ مُنيره
اولان كرب و بلاده گوزل شاه و وزيره
تمام عتباتي، تمامِ سَنَواتدا
نقدري اولا عمري، نصيب ايله «بشير»ه
او يولدا چيخا جاني
آخا حق يولا قان
.
.
.