زبانحال حضرت رقیه (س) با حضرت زینب (س) در خرابه شام
..
..
..
..
مرحوم تقایی اردبیلی
..
..
..
..
بیر سه ساله عاشقم عشقیمده یوخ نقصان بی بی
درسیمی سن ویرموسن ای سالک عرفان بی بی
..
..
..
..
کوی پر پیچ و خم عشقی دولاندیم کوبکو
بو اوچ ایلده درس عشقی سندن آلدیم موبمو
بذل ایدوب جان ایلرم اسلامه اخذ آبرو
باخما نالم اوج ایدور ویرانه دن نی تک بی بی
آغلاما قوی قولاری باغلى ئولوم نینک بی بی
..
..
..
..
عشق دانشجوئی لازمدور دولانسون قدّى خم
اوچ یاشیمدا ایتمشم حق اوسته خم قدّیم علم
یاره لی قوش تک بو دام غمده ئولّم لاجرم
گرچه محروم ایلیوب صیّادیم آب و دانه دن
خوش قفسدور جان چیخنجا چخمارام ویرانه دن
..
..
..
..
ظاهر صورتده بو یر غملی بیر ویرانه دور
باطناً طاووس عشقه عالی بیر کاشانه دور
من سفیرم بو خرابه خوش سفارتخانه دور
ایندی جمع اولموش بو یرده گرچه باز و بسته لر
آرترار شامون صفاسین خرداجا گلدسته لر
..
..
..
..
چون منم باغ علىّ المرتضى ریحانه سی
آلمشام جانان الیندن من وفا پیمانه سی
ایستورم آباد اولا شامون بو زندان خانه سی
چکمیشم ال دهریده گلزاریدن کاشانه دن
شامده حکم ایلرم من بو سفارتخانه دن
..
..
..
..
آل طاهانون آدین قویموش یزید اخلال گر
ئولدوروب مردان حقّی اول لعین کین سیر
بی عدالت کشت و کشتاره او ظالم فخر ایدر
بیلمیور قول باغلى لار دا قوّۀ مردانه وار
آل هاشم قزلاریندا شهرت شاهانه وار
..
..
..
..
دائماً جاری اولور رخساریمه گوز یاشلاریم
کربلاده غرق اولوب قانه آتام قارداشلاریم
لشگریم بو خردا قزلار پرچمیمدور ساشلاریم
کاخ استبداده بو حالیله اولّام حمله ور
تختیدن دوشسون گرکدور عاصب بیدادگر
..
..
..
..
مکتب قرآنی تضعیف ایلیوب ناکس یزید
شرعون احکامین لگدکوب ایلور اول شوم پلید
حق دییَن اشخاصی شمشیره چکوب ایلور شهید
بیلمیور من گلمیشم بو شهریده فاتح چخام
پرچم کفرى بو یرده اشک و آهیله یخام
..
..
..
..
عزّ و شوکت بخش ایدر او عبدینه حیّ قدیم
نهضت سرخ حسینه من اؤزوم اولام سهیم
دفن ایدرسن بو خرابه یرده بیر درّ یتیم
قلبیمی گرچه بو گون تیر بلا و غم دلر
قبریمون دیدارینه غم دیده عاشقلر گلر
..
..
..
..
قویموشام مظلومه آدیله بو باشه تاجیلر
حاجت آلسون خردا قبریمدن گرک محتاجیلر
ایلده بیر یول قبریمه زوّار اولالّار حاجیلر
درک ایدرلر گوشۀ ویرانه دن غم نغمه سی
آغلادار زوّاریمی قبریمدن اصغر وای سسی
..
..
..
..
چوخ خوش اقبالم بو ساعتده وصال یاریدن
دینجلور جانیم بو یرده دشمن خونخوایدن
بی سبب اوج ایتمیور آهیم دل بیماریدن
چاتمیشام مقصودیمه قلبیمده داغیم وار منیم
افتخاریمدور بابام تک بیر قوناقیم وار منیم
..
..
..
..
بو گجه ئولسم بو ویران خانه ده حسرتله من
اوز الونله قاز مزاریم ای گرفتار محن
بیر یارالی جسمیمه ای عمّه جان غسل ایله سن
داغلاما دنیانی سن بو نالۀ شبگریلن
قبره قوی من بی کسی بوینومدا کی زنجبریلن
..
..
..
..
اولموشام طوفان غمده شمر الینده دستگیر
خوشدی جان ویرسون بو حالیله آتاسیز بیر اسیر
غم یمه یوخدور قدیفه اوستیمه چک بیر حصیر
باشیم اوسته امر ایله لیلایه اکبر وای دیسون
سس سسه قوشسون بالا قزلاردا اصغر وای دیسون
..
..
..
..
نو عروس آچمیش باشین آغلور اولور قلبیم کباب
سن بالا وای سویلمه یوخ خرداجا قلبیمده تاب
ویر تسلّى یولماسون زلفین آنام بی کس رباب
قلبیمون مرحم بیتورمز عمه جان بو یاره سین
اصغرون آخر نفسده گورمدیم گهواره سین
..
..
..
..
سن منه باشسان آنامدان اولموشام سندن خجل
سسلینده جان دیوبسن سن منه ای خسته دل
ویرمیشم هر یرده زحمت سن غریبه من بیرایل
بو یتیمه ای آنادان باش اولان فرخنده فال
جان چیخور گل گوزلریم باغلا منی ایله حلال
..
..
..
..
صفحۀ تاریخده اولماز منیم تک جان ویرن
جان چیخور شهزاده ام دیداریمه یوخدور گلن
غم یمه ئولسم خرابه یرده یوخدور بیر کفن
عاشقی طوفان دریای محن غرق ایلمز
بوک منی اوز معجریمه آغ قرا فرق ایلمز
..
..
..
..
#حضرت_رقیه #تقایی_اردبیلی #حضرت_رقیه_شهادت #ترکی #زبدةالاشعار
نظر دهید