زبانحال جناب زینب کبری (س) هنگام وفات آن مخدره
.
✍️ #زبدةالاشعار ✍️
.
🆔: @nohe_torki
.
#سبک_ای_درد_بی_درمانلارا … 10 سبک
مشابه
.
مرحوم صحاف تبریزی
.
گل جان ویرور بیکس باجون غربتده قارداش
جان اوسته قویما زینبون حسرتده قارداش
آگه دگیل کیمسه منیم سوز دلیمدن
جبراً اوزولدی اللریم خویش و ائلیمدن
دوشسه جهانه وار یرى اود نسگیلیمدن
گل جان ویرور بیکس باجون غربتده قارداش
.
.
هرچند دور افتاده ام من گلشنوندن
ئولسمده هرگز چکمرم ال دامنوندن
بیر عمر عطرون آلمیشام پیراهنوندن
گل جان ویرور بیکس باجون غربتده قارداش
.
.
گوردوم سنی جان اوسته من چیخدیم اؤزومدن
خون دلیم رخسماریمه آخدی گوزومدن
ایندی سنه واضحدی دردیم بو سوزومدن
گل جان ویرور بیکس باجون غربتده قارداش
.
.
ائتدیم یولوندا قلبمی هر بیر غمه توش
قلبیم اودین قانلی سرشگیم ایتدی خاموش
جان اوسته گل سنده منی ائتمه فراموش
گل جان ویرور بیکس باجون غربتده قارداش
.
.
ئولدوردیلر قارداش سنی سو اوسته عطشان
پیراهنونده سویدی حتی قوم عدوان
ایندی او کوینک سینه ده زینب ویرور جان
گل جان ویرور بیکس باجون غربتده قارداش
.
.
قویدوم اوگون دن که قدم من بو جهانه
اولدوم خدنگ محنت و درده نشانه
من تک بلاکش گورمیوب چشم زمانه
گل جان ویرور بیکس باجون غربتده قارداش
.
.
جان اوسه گل گور بیر نجه پوزقوندى حالیم
گلمز شماره محنت و درد و ملالیم
یوخدور سنی گورماقدان اوزگه ییر خیالیم
گل جان ویرور بیکس باجون غربتده قارداش
.
.
بیر عمر من قارداش شرار هجره یاندیم
دوشدوم باشون آردنجا هر شهری دولاندیم
دین اوسته هر بیر غم ییوب دوزدوم دایاندیم
گل جان ویرور بیکس باجون غربتده قارداش
.
.
جان اوسته بیجا گلمرم من آه و زاره
ائلده ن وطندن ظمله دوشدوم کناره
یوخ بیر کسیم ئولسم منى قویسون مزاره
گل جان ویرور بیکس باجون غربتده قارداش
.
.
یازمیش ازل گوندن بیله کلک مشیت
گون تک سنون قبرون تاپا عالمده شهرت
اولسون منیمده مدفنیم بو کنج غربت
گل جان ویرور بیکس باجون غربتده قارداش
.
.
عالملرین وار دیده ی امیدی سنده
ایستر هامی گورسون جمالون جان وئرده
وار منتها بو آرزو عالمجه منده
گل جان ویرور بیکس باجون غربتده قارداش
.
.
سن گلماقا معذور اگر اولسان برادر
لطف ائت بقیعه گئت آنام زهرانی گوندر
عرض ائیله زینب جان ویرور غربتده مادر
گل جان ویرور بیکس باجون غربتده قارداش
.
.
صحّاف گل سوز غمیله سینه داغلا
سیل سرشگون دیده دن رخساره باغلا
زینب دلینجه بو سوزی یازدوقجا آغلا
گل جان ویرور بیکس باجون غربتده قارداش
.
.
#زینبیه_صحاف_تبریزی
#زینبیه_شهادت
#گل_جان_ویرور_بیکس_باجون_غربتده_قارداش
#ترکی
.
✍️ #زبدةالاشعار ✍️
.
🆔: @nohe_torki
نظر دهید