زبدةالاشعار

بیر ولوله دوشدی در ویرانه ده ناگه #حضرت_رقیه #علیوی

زبانحال حضرت رقیه (س)
.
✍️ زبدة الاشعار ✍️
.
?: @nohe_torki
.
علی پورآقا (عُلیَوی)
.
بیر ولوله دوشدی در ویرانه ده ناگه
شام اهلی توکولدی ائله بیل باش گتیروبلر
آچدیم طبقین اوستونی گوردوم بابا سن سن
قلبیم داریخوردی منه یولداش گتیروبلر
.
.
✔️ زبانحال خانم با سر بریده بابا
.
.
دیداره گلوبسن ولی مهمان بئله گلمز
غربتده قزین گورمگه سلطان بئله گلمز
.
شرمنده ائدوبسن قزیوی گلمگیویلن
اما گلن ای شاه شهیدان بئله گلمز
.
هم قانلودی هم کولیدی بو یاره لی باشون
هاردان گلوسن حجت یزدان بئله گلمز
.
هرچند ثوابدور ئولنون یانینه گئتمک
جان اوستیم اما بابا جانان بئله گلمز
.
شایدده منیم دردیمه درمان گتیروبسن
بیماره علاج ائتمگه لقمان بئله گلمز
.
گلدون بورا بو حالدا ولی یثربه گئتمه
صغری دمسین حاجی کماکان بئله گلمز
.
هجرونده او قدر آغلاموشام من گجه گوندوز
شام اهلی دئدی بارش نیسان بئله گلمز
.
قرآن اوخویالار ئولنین باشینون اوسته
قربانون اولوم قاری قرآن بئله گلمز
.
یر چوخدی طبقده عمومی کاش گتیریدون
تک سن نیه پس سرور خوبان بئله گلمز
.
ای حشمتینه غبطه یین عالم امکان
تکیه ائلیر تخته سلیمان بئله گلمز
.
یعقوب کیمین گوزلریم آز قالدی دوتولسون
دیداره ولی یوسف کنعان بئله گلمز
.
گر کوسمگیمی بیلسه له شام اهلی گوللر
گل تز باریشاق دائمی دوران بئله گلمز
.
حلقون نیه گوللر مثلی پرپر اولوبدی
خنجر یاراسیننان باباجان قان بئله گلمز
.
گویا که دگوب حلقیوه اوچ شعبه لی پیکان
یوخ یوخ بابا هئچ جنگیده پیکان بئله گلمز
.
شاید ده جدادن چیخاداندا تلسیبلر
گلزار ولا اوستونه طوفان بئله گلمز
.
بو لحظه لرین قدرینی بیل(علیوی)شکر ائت
چوخ شعر یازارسان ولی عنوان بئله گلمز
.
قوی اوستی آچیق سوزلرون اوست اورتولی قالسون
دوران سویشار محنت هجران بئله گلمز
.
.
#حضرت_رقیه_شهادت
#بیر_ولوله_دوشدی_در_ویرانه_ده_ناگه
#دیداره_گلوبسن_ولی_مهمان_بئله_گلمز
#علیوی
#ترکی
.
✍️ #زبدةالاشعار ✍️
.
?: @nohe_torki

این متن را هم بخوانید:  نهر اوسته باتان ماهیدیم هردم گورونردیم #عباسیه #نخستین_اردبیلی

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی