زبدةالاشعار

بیر گون که امام عالمه سلطان اولاجاقدی #مهدیه_کهنمویی

یا مهدی
.
.
مرحوم سید حسین #کهنمویی ( #ریاضی_تبریزی )
.
بیر گون که امام عالمه سلطان اولاجاقدی
دنیاده هامی تازه مسلمان اولاجاقدی
.
.
ظلمین قازاجاخ ریشه سینی دست عدالت
دین ، دین خدا دولت قرآن اولاجاقدی
.
.
بیر گون گله جاخ یر یوزینه عصرین امامی
پر نور اولی مؤمن گوزینه عصرین امامی
قیمت ویره جاخ حق سوزینه عصرین امامی
هر سمتده هر یاندا چراغان اولاجاخدی
.
.
بیرگون گیده جاخ عالم ظلم و ستم اَلدن
بی دینلر آتار هاردا که اولسا عَلَم اَلدن
دین اهلی اوگونده یره قویماز قلم اَلدن
حق دوره سی حق یازماقا امكان اولاجاقدی
.
.
بیر گون دوتاجاخ دین گونی آفاقی جهانی
مؤمنلر ایچون کشف اولار اسرار نهانی
بیر گون اولاجاخ شیعه لرین امن و امانی
ظلم و ستمین ریشه سی ویران اولاجاقدی
.
.
اسلامدن اوزگه نه که دین اولسا دایانماز
هر دینده اولان دینین آتار دینین اینانماز
کافر اولانون حالینه بیر کیمسنه یانماز
هر نقطه ده اسلام اولار ایمان اولاجاقدی
.
.
هر یر که اولا پرچم اسلام اولار اوردا
دین اهلی اولار مردم خوشنام اولار اوردا
قرآن اوخونار مجری احکام اولار اوردا
هر بیر یر اولا اوردا مسلمان اولاجاقدی
.
.
هر کس تانیوب عالم غیبتده امامی
#قرآن اوخیوب آنلیوب احکام کلامی
خوشحال اولاجاقدور که بودور اصل و مرامی
بیر وقت اولاجاخ غیبتی پایان اولاجاقدی
.
.
قرآن بیزه بیر حکم دی دستوریدی محکم
هر کس دَییشَنمز اونی بو سوزدی مُسَلَّم
ئورگَشماقا معناسین اولون سیزده مُصَمَّم
قرآن بوله نین عزّی نمایان اولاجاقدی
.
.
وای اولسون او دینسیزلره قرآنی آتولّار
بو دین گرانمایه نی دنیایه ساتولّار
هر ایش که اولور عادت اونی دینه قاتولّار
قرآن گله جاخ ایشلره میزان اولاجاقدی
.
.
قرآنی اگر ئورگشه شیعه اولی راحت
میزان عملدن اولار اعمال سلامت
هم شاد اولی دنیاده همی روز قیامت
هر ایش چتین اولسا اونا آسان اولاجاقدی
.
.
شیعه اودی دستور آلا بو امر عزادن
کج گیتمیه بیر لحظه ده احکام خدادن
حفظ ایلیه اوز عمرینی بدکار و زنادن
جنّتده اونا حوری و غلمان اولاجاقدی
.
.
ای پردۀ غیبتده قالان عصرین امامی
ای جدّی حسین قانین آلان عصرین امامی
دنیانی گلوب نظمه سالان عصرین امامی
ظلمت چکلوب روز درخشان اولاجاقدی
.
.
بو «سید حسین» آدلی «ریاضی» سنی گورسه
باشه یتوشر فكرت ماضی سنی گورسه
حظّیندن اولار عمرده راضی سنی گورسه
دنیا گچوری دوره سی پایان اولاجاقدی
.
.
#مهدیه
#بیر_گون_که_امام_عالمه_سلطان_اولاجاقدی
#ترکی
.

این متن را هم بخوانید:  ای آنکه ز دل عاشق دیدار تو هستم #مهدیه_یوسف_فگار

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی