عرض ارادت محضر حضرت جوادالائمه علیه السلام
گریز به شهادت
.
✍️ زبدة الاشعار ✍️
.
🆔: @nohe_torki
.
محمد رضا محمدی ( ناعم )
.
نه منصورم ویرام کوس اناالحق
نه موسایم ائدم دریانی مشتق
نه نوحم صاحب طوفان و زورق
نه دعبل یانه عطار و فرزدق
محقر شاعرم غرق نوایم
گدای درگه ابن الرضایم
.
.
اگرچه غملیم خونین فٶادم
اسیرحلقه ی باب المرادم
خوشم سربرره جانان نهادم
غلام آستانبوس جوادم
گدایم من گدایم من گدایم
گدای درگه ابن الرضایم
.
.
جوادین گوزلری طاهایه بنذر
شکوه صولتی مولایه بنذر
کرمده حضرت زهرایه بنذر
ادبده شاه عاشورایه بنذر
اسیر دلبر دیر آشنایم
گدای درگه ابن الرضایم
.
.
آدین هرکس قویوب نوکرجواده
گرکدور که اولا محکم اراده
دمادم فکر ائده قبر و معاده
ادبلن اگلشه بزم عزاده
دیه شاهیم ئولوب غرق عزایم
گدای درگه ابن الرّضایم
.
.
جوادین نوکری آتماز نمازی
حقیقی عشقینه قاتماز مجازی
اولار خلق ضعیفون چاره سازی
جواد آدیله ایلر عشقبازی
دیر فخریله عشقه مبتلایم
گدای درگه ابن الرّضایم
.
جوادین سینه ی سیناسی واردی
الینده معجز موساسی واردی
دم جانپرور عیساسی واردی
گوی اهلی اوندان استدعاسی واردی
دیللردیده بردست سخایم
گدای درگه ابن الرضایم
.
.
کیمون گرمحنتی اولموش زیاده
ویا غملر ائدوب ازپافتاده
ال آتسین دامن باب المراده
دئسون دردین رضااوغلی جواده
که من محتاج احسان و عطایم
گدای درگه ابن الرضایم
.
.
سالانداغملرینی شیعه یاده
گرک قان آغلیا گوزلر جواده
اورکده غملری اولدی زیاده
علی تک قالدی کنج انزواده
اودورکه من بئله غرق نوایم
گدای درگه ابن الرضایم
.
.
بئله مظلوم اولوب زهرامارالی
اونی مسموم ائدوبدورئوزعیالی
اولوبدورحضرت هادی عزالی
دیلینده وای بابا قال و مقالی
الهی”ناعم”بی اقربایم
گدای درگه ابن الرضایم
.
.
.
#جوادیه_مدح
#جوادیه_شهادت
#نه_منصورم_ویرام_کوس_اناالحق
#محمدی_ناعم
#ترکی
.
✍️ #زبدةالاشعار ✍️
.
🆔: @nohe_torki
نظر دهید