زبدةالاشعار

بیر گیجه ویرانیه گلسن اگر مهمان بابا #حضرت_رقیه #حسینی_زنجانی

زبانحال حضرت رقیه سلام الله علیها
.
✍️ زبدة الاشعار ✍️
.
?: @nohe_torki
.
حاج جواد حسینی زنجانی
.
بیر گیجه ویرانیه گلسن اگر مهمان بابا
مقدمونده جانیمی قیلاّم سنه قربان بابا
.
.
ایلیوبسن ماه برج عزّتیم هاردا افول؟
گوزلرون قربانی واربیرخواهشیم ایله قبول
بیر گیجه ویرانسرایه ایله اجلال نزول
گر دگل ویرانه منزل، لایق سلطان بابا
.
.
آیریلیقدان اولمک آساندی قسم اوزجانیمه
قوی منه منّت بابا ویرانه ده گل یانیمه
اللّرون چک باشیمه باخ دیدة گریانیمه
گل، منی درد فراقون ایلیوب نالان بابا
.
.
رخت آلامی سرشک چشمیله ایسلاتمشام
گوشۀ ویرانه ده توپراقلاراوسته یاتمشام
بیرسنون عشقونده دنیانی گوزومدن آتمشام
سنسیزاولموش منزلیم بو گوشۀ ویران بابا
.
.
سن گیدن گوندن بابا سالموش منی گوزدن فلک
ایلیوب آواره سالموش باشیمه قاره لچک
یانمشام نار فراقونده بابا پروانه تک
گل نیجه گور خوار ایدوب قیزلاریوی دوران بابا
.
.
واریری یخسام اگر آهیله ظلمون سدینی
ایلسم اشگیله ویران صبریمون سر حدینی
گل ویروم بیربیر نشان جسمیمده قمچی ردینی
ایلیک باهم سنیله درد دل بیر آن بابا
.
.
گوزلریم قالموش یولوندامه جبینیم هارداسان
سالمسان گوزدن منی اولماحبیبیم هارداسان
آزقالور باشه یته عمروم طبیبیم هارداسان
دردمندم دردیمه گل قیل اوزون درمان بابا
.
.
ایتمرم گلسن گلایه محنت ایامیدن
جور ظلم اشقیادن رنج راه شامیدن
ایلرم بوسه بابا قانلی لب گلفامیدن
ایلرم بیربوسیه شاباش نقد جان بابا
.
.
زلفیمه سنسیز ورام شانه بابا حاشا هورم
گلشن مقصودیدن عمرومده یا بیر گل درم
آرزوم وار کاش ئولونجه گل یوزون بیرده گورم
تیر هجران ایلیوبدی قلبیمی شان شان بابا
.
.
یار اولا اقبالیمیز بیرده نولارکامه چاتاق
وصل اولا حاصل فراقون فکرینی باشدان آتاق
بیر گیجه بیرده اولاق بیر قول بویون باهم یاتاق
سینوه بیرده قویام باش ای مه تابان بابا
.
.
گل بابا من عاشق دیدار روی ماهیوم
شامیده من بستۀ قید شرار آهیوم
گوز آچان گوندن سنون دنیاده خاطر خواهیوم
گرسنی گورسم اولار زندان منه رضوان بابا
.
.
گل بابا سنسیزایشیم ویرانه ده اولموش فغان
قویما گوز یاشیم گیجه گوندوزئوزه اولسون روان
آزقالور آفت بهار عیشیمی ایتسون خزان
سن گلینجه کاش عمروم تاپمیا پایان بابا
.
.
ای رقیه بلبل خوشخوان گلزار امام
بو #حسینی نون، اولوبدی درد الیندن صبحی شام
ایسته قیلسون دردینه درمان امام تشنه کام
بیرده عرض ایت ویرصله ایله اونا احسان بابا
.
.
#سبک_اذن_ویر_یارب_گله و … 4 سبک
.
.
#حضرت_رقیه
#بیر_گیجه_ویرانیه_گلسن_اگر_مهمان_بابا
#حسینی_زنجانی
#ترکی
.
✍️ #زبدةالاشعار ✍️
.
?: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی