زبانحال حضرت معصومه سلام الله علیها
.
✍️ زبدة الاشعار ✍️
.
🆔: @nohe_torki
.
هدایتی تبریزی
.
همدم اولوبدی محنت و درد و بلا منه
دردیم چوخ اولدی اولمادی اما دوا منه
.
.
بیر کیمسه یوخ یانمدا دئیم شرح حالیمی
درک ایلیه ملال دل پر ملالیمی
ظالم فلک الیمدن آلوبدور جلالیمی
اولدی قفس کیمی بو جهان فنا منه
.
.
سالدی فلک کناره منی ائل قبیله دن
دوشدوم کناره محبط قرآن مدینه دن
آهیم اولور روانه گویه داغلی سینه دن
جان اوسته یوخدی کیمسه اولان همصدا منه
.
.
آخر نفس لریمدی یتوب جان دوداقمه
یوخدور گلن عیادته بزم فراقمه
کیم حمل ایدر جنازه می بس قبر اطاقمه
کیم غسلمی ویرر کیم ایدر بس نوا منه
.
.
گوزدن ملالیله توکولور گوزیاشیم یوزه
یوخ محرمیم منیله گله صحبته سوزه
نه گلمه دی رضا اوتورام اونلا یوز یوزه
نه وار باجیم یانمدا یانوب آغلیا منه
.
.
منله زمانه دوز دیمدی سالدی محنته
جان اوسته یوخدی کیمسنه گلسین عیادته
دوشدوم یامان زماندا عجب درد غربته
یوز ویردی مین غم و محن و ابتلا منه
.
.
اللر ئورک باشندا گوزوم یولدا ناگران
دردلی ئورکده قارداشمین دردی ، باغری قان
سولموش جماله گوزیاشی گوزدن اولور روان
اولدی عجب زمانه ده جور و جفا منه
.
.
ایکاش اولیدی باشمین اوستونده قارداشم
اسرار قلبمی سوروشیدی او سرداشم
فاش ایلییدیم هر نه بلا که چکوب باشم
نه ظلم ایدوب قما گله لی اشقیا منه
.
.
اشراری چرخ دون ایلدی تشنه قانمه
حمله گتوردی فرقۀ کین کاروانمه
وحشت شراری دوشدی دل و چشم و جانمه
قارداشلاریم باتوب قانا دگدی یارا منه
.
.
الله گوروم دوشیدی اودا قانلی دشمنی
قارداشلاریمی ئولدوروب آغلار قویوب منی
قارداش غمنده اوج ایلیر باجی شیونی
من غمده یانمشام یانار اهل وفا منه
.
.
ایوای منه مسافرتیم باشه چاتمادی
عمروم قوتاردی ال ولی قارداشه چاتمادی
دردیم ئورکده سر سوزی سرداشه چاتمادی
دردیم چوخ اولدی اولمادی درد آشنا منه
.
.
معصومه ای مقامی رفیع و مجلّله
تاج شرفله دنیادا باشی مکلّله
دعوت ایله سلامه (هدایت ) قما گله
شاید که قمدا قسمتیم اولدی لقا منه
.
.
#حضرت_معصومه_شهادت
#همدم_اولوبدی_محنت_و_درد_و_بلا_منه
#هدایت_تبریزی
#ترکی
.
✍️ #زبدةالاشعار✍️
.
🆔: @nohe_torki
نظر دهید