تا گوز گله سی طلعت جانانه دولاندی #مناجات_هدایت_تبریزی

#رمضانیه
.
✍️ #زبدةالاشعار ✍️
.
🆔: @nohe_torki
.
هدایت تبریزی
.
تا گوز گله سی طلعت جانانه دولاندی
عشق ایلدریمی گلدی یانان جانه دولاندی
.
دل شعله ور اولدی جگریم یاندی آلشدی
یاندی جانم افطاریم اوباشدانه دولاندی
.
نه قالدی قراریم نه دل آرامشه چاتدی
نه بیر یوخی بو دیده گریانه دولاندی
.
آرام دلیم باخدی ، دل آرامینی آلدی
آباد ئورگیم منزل ویرانه دولاندی
.
حسرت چکرم جان دئیه بیر یول چخا جانم
عالم گوره جان فدیه سی قربانه دولاندی
.
عشقنده یانا یانه دونوم باشنه تیز تیز
شمعین نجه کی باشنه پروانه دولاندی
.
گویلوم دولانوب زلفی کیمی اولدی پریشان
تا زلف پریشانه گزیب شانه دولاندی
.
گلزار اولا دنیا منه اون سوز نه صفاسی
دل تنگی ام عالم منه زندانه دولاندی
.
گوز جامی دوشور یادیمه می جامی گورنده
مایل میه اولدوم دل دیوانه دولاندی
.
لعل لبنین یادینه جامین لبین ئوپدوم
مست اولدی لبیم لعل بدخشانه دولاندی
.
ویرانه دی گویلوم اونون عشقی مدد ایتدی
ویرانه ئورک ملک سلیمانه دولاندی
.
افضل دی (هدایت) ئورکین کعبه ایویندن
عشق ایتدی مدد کعبیه بو خانه دولاندی
.
.
#تا_گوز_گله_سی_طلعت_جانانه_دولاندی
#ترکی
.
✍️ #زبدةالاشعار ✍️
.
🆔: @nohe_torki