ماه محرّم
.
✍️زبدة الاشعار✍️
?: @nohe_torki
.
مرحوم غمکش
.
.
قان آغلا گؤزوم شاه شهیدانه بو آیدا
قیل صبح و مسا ناله گل افغانه بو آیدا
.
.
بو ماه محرّم کی عیان اولدی هلالی
دولدوردی جهانه غم و اندوه و ملالی
جنّ و ملکین غملی دی افسرده دی حالی
آغلاللا هامی شاه لب عطشانه بو آیدا
.
.
بو آیدا گلر نالیه باشدان باشا دنیا
جاری ائلیر اشکینی رخسارینه طاها
قاره گئیینر نوحه ائدر حضرت زهرا
داغلار دل عشاقی یانایانه بو آیدا
.
.
بو آیدا مصیبت وئروب ئوز سرور دینه
غم غصّه دولوبدی دل جبریل امینه
سو یوللارینی باغلادیلار لشکر کینه
ظلم ایلدیلر عترت نالانه بو آیدا
.
.
بو آیدا حسینون داغیلوب جاه و جلالی
تالانه گئدوب خیمه گهی مال و منالی
انصاری ئولوب اولدی اسیر اهل و عیالی
دنیا یئری وار غرق اولا طوفانه بو آیدا
.
.
بو آیدا او شاهین سارالوب سولدی بهاری
قانه باتوب اکبر کیمی گل ئوزلی نگاری
غم غصّه سینون اولمادی آمار و شماری
دنیا اولوب اول شاهه عزاخانه بو آیدا
.
.
یاندی اورگی قاسم شهزاده غمیندن
میداندا اونون پیکرینی دوغرادی دشمن
سسلندی عمو، جان سنه قربان ائلدیم من
احسن دئدی عالم ائله قربانه بو آیدا
.
.
احوالینه آغلار او شهین اهل ولایت
سقاسی سو اوسته بویانوب قانه، خجالت
ائللردن اوزاق جان وئروب اول کان شهامت
اود سالدی غمی عالم امکانه بو آیدا
.
.
زهرا اورگین ائتدی ولی حرمله مضطر
بیر اوچ پر اوخی ائتدی روانه او ستمگر
اوچ پر اوخا ظلمیله نشانه اولوب اصغر
قربان سودامر اولدی بو قرآنه بو آیدا
.
.
ای وای او زماندان ال آچوب غارته عدوان
اود خیمه لره ویردیلا قوپدی ائله طوفان
صحرایه داغیلدی او زمان بیر سوری جیران
رحم ایلمه دی کوفه لی طفلانه بو آیدا
.
.
غمکشده بو ماتمده شها روز و شب آغلار
شوریله یازار نوحه قرا باشینه باغلار
کیم سسلر حسینیم وای اورک آهیله داغلار
ایستر گله تا اول قیزیل ایوانه بو آیدا
.
.
#سبک_ای_باد_صبا ( بیش از 7 سبک)
.
#ورود_محرم
#قان_آغلا_گؤزوم_شاه_شهیدانه_بو_آیدا
#غمکش
#نوحه_های_محرم_غمکش
#ترکی
✍️ #زبدةالاشعار ✍️
?: @nohe_torki
نظر دهید