جان اوسته دوشوب یادیمه ای حضرت دادار #صادقیه_آذرین_خلخال

زبانحال امام صادق(ع)
گریز به سوختن درب حضرت زهرا (س) و غارت اخیام
..
..
..
..
ودود آذرین خلخال
..
..
..
..
جان اوسته دوشوب یادیمه ای حضرت دادار
یاندیردیلا زهرا قاپیسین فرقۀ اشرار
..
زهرا دایانوب پشت دره قوپدی قیامت
صدقیله ایدوم قوی سیزه بو مطلبی اقرار
..
اودلاندی منیم گرچه قاپیم ظلمون الینده
قان سالمادی سینمده فشار در و دیوار
..
گر چه اوز ایویمده منه بی حرمتی اولدی
اما ننه جان سینمی سیندرمادی مسمار
..
چکدیله منی ذلّتیله کوچه ایچنده
زهرایه ولی قمچی ویروب قنفذ غدّار
..
هم غشّ ایلدی همده گیدوب محسنی الدن
باخ راه ولایتده ایدوب گور نجه ایثار
..
بیرده یادیما دوشدی غم و غصّۀ غارت
اود ویردیلار اخیامه یانوب خانۀ احرار
..
قیزلار توکولوب چوللره افغانه گلوبلر
سسلندی عَلَیکُن بِفَراری شه بیمار
..
بیلمم نه قیامت ایلدی زمرۀ شیطان
دستور ویریب غارته چون شمرستمکار
..
کیم چخدی خیمدن باشینا ویردیلا قمچی
تاراجه گیدوب معجر و خلخالیله گوشوار
..
اوندا بالا قیزلار ایدوب عبّاسه توسل
سسلندیله گل دادیمیزه قولسیز علمدار
..
والله داخی سندن عمو دای ایستمیروک سو
باخ گور گتیروب جانه بیزی قوم جفاکار
..
گل پرپر اولان گوللری آل خارین الیندن
پامال ایلیور گوللری بو فوج ستمکار
..
اما سنیده دست ستم پرپر ایدوبدی
علقمده یاتوبسان یارالی سینه سی خونبار
..
قولّاروی ایلوبله قلم قلبیوی شان شان
بیرآهن عمودیله ویروب نوفل بی عار
..
بیر اوخدا ویروبدور گوزووه حرملۀ دون
آغلور سنون احوالیوه داغلاریله داشلار
..
بو روضه لرین بعضی داشادا اثر ایلر
عبّاسه ولی(آذرین)عمرینده چوخ آغلار
..
#گریز
لا یوم کیومک یا اباعبدالله
..
گرچه اکبادیم منیم زهر جفاییله یانوب
باکرامت درگهیم دست ستمله اودلانوب
آسمانه عترتیمدن آه و افغان قوزانوب
باتمیوب قانه ستملن آیلاریم اولدوزلاریم
قالمیوبدی قمچی آلتیندا حیالی قیزلاریم