آرزوی زیارت
شهادت حضرت عباس (ع)
.
✍️ #زبدةالاشعار ✍️
.
🆔: @nohe_torki
.
مرحوم شهاب تبریزی
.
دوشموشمم مدّتدی بیر درده دوا مشتاقیم
غصّه دی خشکیده نی تک مین نوا مشتاقیم
.
محبس غمده وجودیم آز قالوب پامال اولا
بیر محلّ خوش صفا و خوش هوا مشتاقیم
.
یتموری دامان پاک یاره پا لنگم الیم
عرض حال ائتماقلیقا باد صبا مشتاقیم
.
بی وفا اغیار الیندن لاله تک دل داغلیم
بیر نگاه دلربا و باوفا مشتاقیم
.
قُلزُم حیرتده وورّام شوطه هر صبح و مسا
من او غواصّم که دُرّ بها مشتاقیم
.
آختارار پروانه شمعی بلبل شیدا گلی
من طواف مرقد پاک #رضا مشتاقیم
.
بیر جماعت حسرت جنّتله گوز یاشی توکر
من خدا عالِمدی #ایوان_طلا مشتاقیم
.
باغریمی مدّتدی سَمّ عشقیله قان ائتموشم
ظلمیله مسموم اولان بیر پیشوا مشتاقیم
.
سرفراز اوللام قویام یوز بیرده پائین پائینه
پیش رو بالای سر پائین پا مشتاقیم
.
آرزومندم دورام بالای سرده عرض ایدم
ای قتیل زهر کین سندن عطا مشتاقیم
.
ایسته درگاه خدادن ایلسون قسمت منه
جدّیون قبرین که هر صبح و مسا مشتاقیم
.
ائتمرم مدّتدی من فردوس اعلا حسرتین
بیر فراته تشنه ام بیر #کربلا مشتاقیم
.
روز و شب وردیم حسین ، ذکریم حسین ، فکریم حسین
من حسین بیماریم خاک شفا مشتاقیم
.
اول وجود نازنینون اول مقدّس بُقعه ده
حسرت پابوسیم من ای خدا مشتاقیم
.
شأنی اکبر ، آدی اصغر بستری شه سینه سی
کوکب صبح شرف اول مه لقا مشتاقیم
.
آلتی گوشه بیر مزار پاکه یوز قویسام اگر
اکبر شه زادۀ گلگون قبا مشتاقیم
.
خیمه گاهین فکری صبریم خیمه سین تاراج ایدوب
بیر حنالی خیمه ده نوکدخدا مشتاقیم
.
روضۀ باب الحوائج حضرت عبّاسده
قورماقا بیر جمعیله بزم عزا مُشتاقیم
.
مشگ چشمیم اوخلانان سو مشگی تک سو ساخلاماز
تشنه لر سقّاسی بیر صاحب لوا مشتاقیم
.
آه او ساعتدن که گیتدی صاق انی صولدا قلج
سسلنور اهل ولایم من بلا مشتاقیم
.
یوخ ئولومدن باکیم اصلا ای گروه کینه توز
اولماقا ئوز دینیمه بو گون فدا مشتاقیم
.
صاقیمی سالدوز صول اللی ایلرم دینه کومک
بو وظیفمدور یتیشسه هر جفا مشتاقیم
.
وئردیقیم ال شاهدیمدور چکموشم جانیمدن ال
نه جهانه طالبم من نه هوا مشتاقیم
.
عمرده سعییم بودور سو مشگیمه اوخ دگمه سون
سینه مه دگسه اگر یوز مین یارا مشتاقیم
.
چون حسین بن على اطفالینون سقّاسیم
ائتماقا بو منصبین حقّون أدا مشتاقیم
.
گوزلوری هشتاد ایکی لب تشنه بو مشگین یولون
بیر دولی سو مشگی بیر آل عبا مشتاقیم
.
صول الینده ائتدی بیر دست ستم پیشه قلم
سسلنوب بو ظلمه ده اولّام رضا مشتاقیم
.
گلدی بیر اوخدا دگوب سو مشگینه آخدی سویی
حال یأسیله دیدی دار بقا مشتاقیم
.
بولمورم نه ظلم اولوب آتدان یخلدى مقتله
عرض ائدوب قارداش جمالون گورماقا مشتاقیم
.
گل گوروم بیرده جمال الله جان تسلیم ایدوم
جلوۀ وجه خدانون یا اخا مشتاقیم
.
ساخلا ال یازما « شهابا» ختم قیل بو نوحه نی
عرض ایله مدّتدی من قبرون شها مشتاقیم
.
قبریم اوسته نصب ایله اوّل گجه قانلو علم
اول علمدار دیار نینوا مشتاقیم
.
بسدی بیر دفعه بویورسان نوکر یمدور بو شهاب
اللی ایلدی نوکرم بیر بو ندا مشتاقیم
.
.
#آرزوی_کربلا
#عباسیه_شهادت
#دوشموشمم_مدتدی_بیر_درده_دوا_مشتاقیم
#ترکی
.
✍️ #زبدةالاشعار ✍️
.
🆔: @nohe_torki
عالی بود
سلام و سپاس از همراهی تان
التماس دعا