جان اوسته دی زهرا ای شمس امامت #فاطمیه_تابع_تبریزی

زبانحال حضرت زهرا علیها السلام
..
..
#سبک_دولدوروب_جهانی
..
..
مرحوم تابع تبریزی
..
..
..
..
جان اوسته دی زهرا ای شمس امامت
بیر سورۀ یاسین گل ایله تلاوت
ای پادشه خوبان
قرآنیوه من قربان
آغلاما عم اوغلی
..
..
..
..
واردی بیر تقاضام ای عمواوغلی سندن
حقّیوی حلال ایت بو مدّتی مندن
مغفرت سؤال ایله
گل منی حلال ایله
آغلاما عم اوغلی
..
..
..
..
چکمیشم نلر من درگهیم یاناندا
طاقتیم تالاندى قوم کین ویراندا
غملریم مزید اولدى
محسنوم شهید اولدى
آغلاما عم اوغلی
..
..
..
..
چخمیوب یادیمدان دشمنون جفاسی
گیتمیوب سینمدن مسمار یاراسی
سینه یاره جان ویرم
جدّیمه نشان ویرم
آغلاما عم اوغلی
..
..
..
..
وصلیمیز قوتولدی یتدی وقت هجران
گل بیر باشیم اوسته آسوده ویروم جان
غسل ویر گجه کفن ایت
گزلینجه منی دفن ایت
آغلاما عم اوغلی
..
..
..
..
اگلش باشیم اوسته ای معدن رحمت
آخر نفسیمدور ایلیوم وصیّت
آل سوزلریمی دلدن
زهرا گدیری الدن
آغلاما عم اوغلی
..
..
..
..
آز سنّیله غملر باشیمه توکولدى
هم ساچیم آغاردی هم بئلیم بوکولدى
قاره باشیمه سالدیم
قاره گونلره قالدیم
آغلاما عم اوغلی
..
..
..
..
مندن قالاجاقدور زینبیم نشانه
چوخ سالار فشاره گردش زمانه
رخساری اولار نیلی
قوم کین ویرار سیلی
آغلاما عم اوغلی
..
..
..
..
روحیم اولموش آخر بو حسینه بسته
نازیله یاتاردی دایم سینم اوسته
دویمادیم حسینیمدن
نور هر دو عینیمدن
آغلاما عم اوغلی
..
..
..
..
بو حسینی ساخلا سن مندن امانت
دقّتیله باخ گور پیکری سلامت
قیدینه بونون قالّام
ویردیقیم کیمی آلّام
آغلاما عم اوغلی
..
..
..
..
نازیله یاتاردی سینم اوسته هر آن
گر گورم اولوبدور کوللر اوسته مهمان
گوز یاشین یوزه الرم
وای حسین دیوب ملرم
آغلاما عم اوغلی
..
..
..
..
غسل ویر گجیله قوی منی مزاره
قبریم اوسته گلمه چوخ ناله و زاره
ایله قبریمی پنهان
ال تاپانمیا دونان
آغلاما عم اوغلی
..
..
..
..
گلسن ابو ده گورسن آغلوری اوشاقلار
باد غمله سولموش گل کیمی دوداقلار
قویما آغلاسون زینب
سینه داغلاسون زینب
آغلاما عم اوغلی
..
..
..
..
بو تابع دینی چوخ دوشوب فشاره
اما قاپی میزدان گتمیوب کناره
بیزدن ایستوری وسعت
ایلسون گوزل خدمت
آغلاما عم اوغلی
..
..
..
#فاطمیه #تابع_تبریزی #فاطمیه_شهادت #ترکی #زبدةالاشعار