زبدةالاشعار

بیلورم وجودیوی شامیده اریدوب محن باجیم آغلاما #اربعین_انور_اردبیلی

اربعین
.
✍️ زبدة الاشعار ✍️
.
🆔: @nohe_torki
.
مرحوم انور اردبیلی
.
بیلورم وجودیوی شامیده
اریدوب محن باجیم آغلاما
هدف ایلیوبدی شماتته
سنی هر گورن باجیم آغلاما
.
.
بو بلا چولونده بلا گونی
منیله سن ایلدون اتحاد
ائلدوق دفاع او مرامدن
یخلا ستم قالا عدل و داد
بیزیم اتحاد و مرادیمیز
امویلری ائده نامراد
نه گوزل موفق ائدوب بیزی
حق ذوالمنن باجیم آغلاما
.
.
گوز آچاندان اولدوق اسیر غم
فلک اولدی اشکووه مشتری
قطرات اشکیله سن کیمی
کیمون ایسلانوب قره معجری
آنا ماتمینده چوخ آغلادون
شل اولیدی قنفذون اللری
آناسیز قالوب حسنیننه
آنالیق ائدن باجیم آغلاما
.
.
سن او پاک زاد علویه سن
آتا زینتی یازیلوب آدین
دایانوب رویۀ ظلمیده
ستمون لواسین ایاقلارون
دانشوب آتام کیمی هر زمان
آتا احترامینی ساخلادون
دیلی خوش ادا سوزی آتشین
ئوزی شیرزن باجیم آغلاما
.
.
سن آنام کیمی بیر عفیفه سن
یاراشوب لباس حیا سنه
ادب و فصاحت و منطقی
کرم ایلیوبدی خدا سنه
بیلورم اؤرکدن حسینچی سن
اودی چوخ یتوبدی یارا سنه
روشاً علی عملاً حسین
نظراً حسن باجیم آغلاما
.
.
گزوب ای دیار بلالری
آتاسز بناتی دولاندیران
یورولان اوشاقلارا جان دیوب
منی نیزه اوسته اوتاندیران
اوتوروب خرابه مکانیده
نبوی چراغنی یاندیران
بالا قزلارون یوزونی اؤپوب
گوزینی سیلن باجیم آغلاما
.
.
گلوب ای محرمون اون بیری
بو مکاندا شیون و داد ائدن
یارالی وجودیمی کولگه سیز
گون ائوینده غرقه بخون گورن
منی آرخام اوستونه دوندروب
کسوک حنجریمدن اوپوی گئدن
سینم اوسته توزلی هوروکلرین
آچوب هورمین باجیم آغلاما
.
.
اوجا بیر فضاده هما کیمی
سنان ای جفائیله شهپری
یانان آشیانه سی ظلمیله
دولانان ملالیه چوللری
غم غربتیله انیس اولوب
چکیلن طنابه سنق پری
وطنی مدینۀ طیبه
ئوزی بی وطن باجیم آغلاما
.
.
هایانا چکوبله قطاریوی
سنه یوز وئروب غم جان گزا
دئمورم رقیه نی نیلدون
نه گلوب چوخ ایستدیگیم قزا
بیلورم ستاره کیمی آخوب
قوشولوب بالام آخان اولدوزا
بیلورم اونا قره معجرین
ائلدون کفن باجیم آغلاما
.
.
باجی قلبی رام اولی قارداشون
ائده تکیه سنگ مزارینه
باخوب آلتی گوشه لی قبریمون
نظر ایله شأن و وقارینه
ایکی نور دیده سینی حسین
نجه گور آلوبدی کنارینه
بیر خوش زبانیدی دهریده
بیری دینمین باجیم آغلاما
.
.
او زمان که مجلس شربده
منه دگدی چوبۀ خیزران
یارالاندی ذکریلی لبلریم
ستمیله طشته توکولدی قان
قانیمیز بیریدی دوزنمدون
دیل آچوب یزیده دئدون اوتان
هامی یرده واهمه سیز دوروب
سوزینی دیین باجیم آغلاما
.
.
یورولان بیلر یورولان غمین
بیلورم یوروبدی بلا سنی
آلشوبدی قلب اودی شمع تک
اریدوبدی سوز عزا سنی
ئوزینه بو قورخولی یوللاری
سپر ایلیوب اسرا سنی
غم و رنج راهیله قامتی
خم اولوب گلن باجیم آغلاما
.
.

متن پیشنهادی:  ای دشت بلاده توکولن قانی حسین جان #اربعین_محمدرضاصادقی

#سبک_بالام_آغلاما_گلوم_آغلاما
( 7 سبک برای سینه زنی و زنجیر )
.
.
#اربعین
#بیلورم_وجودیوی_شامیده
#انور_اردبیلی
#یادگار_انور
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی