حسینچی دردینه درمان رقیه سفره سیدی #حضرت_رقیه_کریمی_مراغه_ای

رقیّه سفره سی
..
..
..
..
مرحوم کریمی مراغه ای
..
..
..
..
حسینچی دردینه درمان رقیّه سفره سیدی
حسینه خوش گلن احسان رقیّه سفره سیدی
..
..
..
..
دیون بو سفریه بیر عدّه آغلیان گلسین
رقیّه محنتینه سینه داغلیان گلسین
فرات اشکینی رخساره باغلیان گلسین
ایدن چتین لری آسان رقیّه سفره سیدی
..
..
..
..
رقیّه سفره سینه کیم گلور به شیوۀ یاس
اوزینه زینت ایدوب گیمه سین بَزَکلی لباس
بو مجلس اولمیا البتّه آیری بزمه قیاس
محلّ شیون و افغان رقیّه سفره سیدی
..
..
..
..
رقیّه آدینا سفره آچون ارادتیله
ولی تظاهریلن یوخ خلوص نیّتیله
گلون بو سفریه گوزلرده اشک حسرتیله
بهای اشکوزه میزان رقیّه سفره سیدی
..
..
..
..
اولوب قوناقلارا رنگین غذالر آماده
باخون بو سفره یه ویرانه نی سالون یاده
گلر قولاقوزه عمّه آجام او مأواده
قویان بو گوزلری گریان رقیّه سفره سیدی
..
..
..
..
باخون بو سفریه ویرانسرانی یاده سالون
او اوچ یاشیندا پوزولموش بالانی یاده سالون
نمازین اوتدوقی یرده قیلانی یاده سالون
ایدن اورکلری آلقان رقیّه سفره سیدی
..
..
..
..
اولیدی آل یزیدین یوزی همیشه سیاه
دیولله چوخ گیجه نی آج یاتاردی آل الله
غذا گورنده چکر شیعه غملی دلدن آه
فغان و نالیه عنوان رقیّه سفره سیدی
..
..
..
..
بو سفره نین باشینا چاره سیز قالان گلسین
رقیّیه دیمه لی مطلبی اولان گلسین
بو آستان دن اوز حاجتین آلان گلسین
شفای درد مریضان رقیّه سفره سیدی
..
..
..
..
دیردی عمه عجب یرده سیندی بال و پریم
ندندی سایه باشیمدان گوتوردی تاج و سریم
کبابیم اودلی اورکدی شرابیم اشک تریم
تمام سفره دن الوان رقیّه سفره سیدی
..
..
..
..
اگر چه یوخدی طعام و شراب سفرمده
ولی طلوع ایلیوب آفتاب سفرمده
ایدوب آتام باشی نازیله خواب سفرمده
بوگون بساط سلیمان رقیّه سفره سیدی
..
..
..
..
بو شامین اهلی ایدیر ایولرینده طبخ طعام
دوزولله سفریه رنگین غذانی موقع شام
اولوب لذیذ غذالر بیز اهلبیته حرام
غریبه شام غریبان رقیّه سفره سیدی
..
..
..
..
«کریمیا» قوتارور عمر روزگار گیچور
خزان یاخینلاشیری فصل نوبهار گیچور
تغافل ایتمه کوچور کاروان قطار گچور
جزاده شافع عصیان رقیّه سفره سیدی
..
..
..
..
#حضرت_رقیه #کریمی_مراغه_ای #حضرت_رقیه_مدح #حضرت_رقیه_شهادت #ترکی #زبدةالاشعار