اربعین
.
✍️ #زبدةالاشعار ✍️
.
🆔: @nohe_torki
.
#سبک_زینبون_گلدی_پریشان
با صدای جمال یاوری
.
محمد علی مصیبی تبریزی
.
زینبون گلدی پریشان یابن زهرایابن زهرا
بوگوزل قبریوه قربان یابن زهرایابن زهرا
.
.
باجیوام گلدیم ائدم من تربتیندن اخذ توشه
نه گوزلدی توزلی قبرون گتوروبدی قانی جوشه
نه گوزل واردی نماسی یارانوبدی آلتی گوشه
توپراقی دردیمه درمان( یابن زهرا2)
بو گوزل قبریوه قربان( یابن زهرا2)
.
.
.
گلشن غمده ائشیتدیم بلبلیم قالمیش چمن سیز
گون قباقینده یارالی خواب ائدوبسن پیرهنسیز
منه وای اولسون یاتوبسان قبرائوینده سن کفنسیز
ای اولان قانینه غلطان(یابن زهرا2)
بو گوزل قبریوه قربان (یابن زهرا2)
.
.
.
گر اولیدی اختیاریم ابر محنت تک دولیدیم
صرصر ظلمیله منده قان دولان چولده سولیدیم
فخرائدردیم عرش وفرشه منده سنله دفن اولیدیم
ایلورم عشقیمی عنوان (یابن زهرا2)
بو گوزل قبریوه قربان (یابن زهرا2)
.
.
.
منی سالدی درده والله کوفه نین زندانی قارداش
منی سالدی درده شامین منزل ویرانی قارداش
نوک نی ده قانلی باشون نغمه قرآنی قارداش
ناطق آیت قرآن (یابن زهرا2)
بو گوزل قبریوه قربان (یابن زهرا2)
.
.
.
باجیواکیم وئردی مأمن نه سوروش سن نه دیوم من
نه جفالرائتدی دشمن نه سوروش سن نه دییوم من
نئجه جان وئردی رقیّن نه سوروش سن نه دییوم من
شامیده دویدی جانیندان (یابن زهرا2)
بو گوزل قبریوه قربان (یابن زهرا2)
.
.
.
گوزومیله گورموشم من نئجه صولماقین بوچولده
ائلیوی باش سیز بودشمن چوله سالماقین بوچولده
یارالی چیخمازیادیمدان سوسوزئولماقین بوچولده
جان وئرن حقّه لب عطشان (یابن زهرا2)
بو گوزل قبریوه قربان (یابن زهرا2)
.
.
.
دئمورم ماه وفا تک برج عزتده باتیدیم
دئمورم مرغ قطا تک وصل جانانه چاتیدیم
بیرحصیری کاش اولیدیم قبریده سنله یاتیدیم
گلدی زینب سنه مهمان (یابن زهرا2)
بو گوزل قبریوه قربان (یابن زهرا2)
.
.
.
.
سالدی دشمنلر بیزی گر رنج و آلام مزیده
گور مقابلده نه ائتدیم من او کفّار عنیده
خطبه میلن خطّ بُطلان چکدیم افکار یزیده
فعلینه اولدی پشیمان (یابن زهرا2)
بو گوزل قبریوه قربان (یابن زهرا2)
.
.
.
زینبون شامیده قارداش عالمی بیدار ائدوبدی
باخما مینلر جور و عصیان قلبینی آزار ائدوبدی
خطبۀ غراسی امّا هندین اوغلون خوار ائدوبدی
ایله دیم عالمی حیران(یابن زهرا2)
بو گوزل قبریوه قربان (یابن زهرا2)
.
.
.
آه او دمدن بیر خرابه اولدی آل اللهه مسکن
جام وصلوندن ایچوبدی باده هجران رقیه ن
قبرینی قازدیم ئوزوم من اونا ائتدیم شامی مدفن
ایله دیم خاکیده پنهان (یابن زهرا2)
بو گوزل قبریوه قربان (یابن زهرا2)
.
.
.
.
#زینبون_گلدی_پریشان_یابن_زهرا_یابن_زهرا
#ترکی
.
✍️ #زبدةالاشعار ✍️
.
🆔: @nohe_torki
نظر دهید