زبدةالاشعار

حسینیم وای حسینیم وای #حسینیه_مصیبی_تبریزی

#حسینیم_وای_حسینیم_وای
#میانداری
زبانحال حضرت زینب در قتلگاه
.
✍️ زبدة الاشعار ✍️

?: @nohe_torki
.
محمدعلی مصیبی تبریزی
.
حسینیم وای حسینیم وای
حسین وای نور عینیم وای
.

دونوبدور قانه گوز یاشون
آچیخدور چشم ِ خون پاشون
جدالرده گزور باشون
حسینیم وای حسینیم وای
.

وئروبسن جان چوخور یرده
قالوبدور باشون اللرده
باجون زینب دوشوب درده
حسینیم وای حسینیم وای
.

گوزل دی نعش شان شانون
جداده صوت قرآنون
بوغازیندان آخان قانون
حسینیم وای حسینیم وای
.

ائدن ای عشقینی اثبات
سنه چوللر اولوب میقات
چاپوبلار سینن اوسته آت
حسینیم وای حسینیم وای
.

بولن یوخ عشقی ساتمازلار
جدایه باش چیخاتمازلار
کسیک باشه داش آتمازلار
حسینیم وای حسینیم وای
.

گول اوسته صرصر اسمزلر
سوسوز نَحره تلسمزلر
قفادن باشی کسمزلر
حسینیم وای حسینیم وای
.

دگوب اوخ قلبیوی سوکدی
قزل قانین یئره توکدی
آنان زهرا بئلین بوکدی
حسینیم وای حسینیم وای
.

سنیدون منظر ِ فرقان
یوزاوسته دوشموسن آتدان
یارالی سینه وه قربان
حسینیم وای حسینیم وای
.

باش اگمز دشمنه زینب
سنان و جوشنه زینب
فدا اولسون سنه زینب
حسینیم وای حسینیم وای
.

خزانیله سولوب گلشن
سنه کرب وبلا مدفن
بیزه ویرانه لر مسکن
حسینیم وای حسینیم وای
.

منم درد آشنا زینب
فراقه مبتلا زینب
اسیر کربلا زینب
حسینیم وای حسینیم وای
.

گئدوب شاماتیده قاللام
بهای عشقیوی آللام
یزیدی تختیدن ساللام
حسینیم وای حسینیم وای
.

«مصیّب»غملی دیده ن وار
بو درگاهه عقیده ن وار
نشانه ن «یحیویدن» وار؛
حسینیم وای حسینیم وای
.

#حسینیه_شهادت
#ورود_محرم #قتلگاه
#کوچ_کربلا
#مصیبی_تبریزی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی