راه شام
زبانحال فاطمه عروس (س)
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا …
.
مرحوم سهیلی
.
مدّتدی که بیر درده گرفتارم عم اوغلی
اول نرگس مستون کیمی بیمارم عم اوغلی
.
.
بو دایرۀ عشقی چو پرگار دولاندیم
آخرده گلوب نقطۀ عشقونده دایاندیم
چون رشته یتوب رشتیه اول لحظه وه یاندیم
یوخ اوزلوقیم آثاری سبکبارم عم اوغلی
.
.
بو نکتۀ عشقه چکلوب پردۂ غیبی
بی پرده قالا عاشق عمو اوغلی ندور عیبی
یاندوردی بو حالیم اودی موسی و شعیبی
موسی کیمی محو رخ دلدارم عم اوغلی
.
.
جمعاً اسرانون پوزولوب صورت حالی
وار هر بیرینون دلده عجب طرز مقالی
یوخ قافله ده فاطمه تک باشی بلال
چون هر نه بلا گلسه طلبکارم عم اوغلی
.
.
عشقونده بلا تیرینه سینم اولوب آماج
عشقون ایلیوب طاقت و آراممى تاراج
بیر لحظه وارام نطق گهرباریوه محتاج
لطف ایت منه من طالب گفتارم عم اوغلی
.
.
من تاجر عشقم گیدیرم شامه خریده
جان نقدی بیر الده بیر الیمده در دیده
سودای سر زلف چکر بزم یزیده
گتموم نجه من بستۀ بیر تارم عم اوغلی
.
.
اول گونگه دمشقون گلی بازارینه زلفون
بازاریده چوخلار گلی آزارینه زلفون
ویرّم او زمان جانیمی بیر تارینه زلفون
گورسونله نجه یاخشی خریدارم عم اوغلی
.
.
عالمده «سهیلی» بیزه چون باغلیوب امید
بو بابدن ائتمم اونی هیچ بابیده نومید
ارشاد ایلیوبدور اونی بو نوحه ده مرشد
منده صف محشرده اونا یارم عم اوغلی
.
.
#راه_شام_سهیلی
#مدتدی_که_بیر_درده_گرفتارم_عم_اوغلی
#ترکی
.
✍️ #زبدةالاشعار ✍️
.
🆔: @nohe_torki
نظر دهید